Staða ríkjasambandsins

Úr Wikipediu, frjálsa alfræðiritinu
Stökkva á: flakk, leita
Staða ríkjasambandsins ávarp Barack Obama forseta Bandaríkjanna flutt á þingi beggja deilda Bandaríkjaþings árið 2011.

Staða ríkjasambandsins (e. The State of the Union) er ávarp sem Bandaríkjaforseti flytur árlega til þingsins, yfirleitt í janúarmánuði.[1] Ávarpið fjallar meðal annars um stöðu ríkjasambandsins, þær áherslur sem framkvæmdavaldið ætli að hafa í fyrirrúmi á árinu. Ávarpið er í dag flutt í ræðuformi í beinni útsendingu snemma árs, og hefð er fyrir því að ræðan verði umtöluð í helstu fjölmiðlum bandaríkjanna eftir að hún er flutt, því er ræðan talin vera áhrifamikið tæki forsetans til þess hafa áhrif á hvaða mál verði ofarlega á dagskrá lagasetningavaldsins, fulltrúadeildar og öldungadeildar.[2]

Ræðan er hluti af stjórnarskrárbundinni skyldu forsetaembættisins en þar er kveðið á um að hann skuli upplýsa þingið um stöðu ríkjasambandsins, og tillögur að aðgerðum í samræmi við þá stöðu. Í stjórnarskránni er reyndar ekki kveðið á um að þetta eigi að vera í formi ræðu, og í fyrstu voru þessi ráð yfirleitt gefin í skriflegu formi, en þessi hluti skyldu forsetaembættisins hefur verið framfylgt með ræðu síðan í forsetatíð Woodrow Wilson.[1] Ræðan er flutt á sérstöku þingi, þar sem báðar deildir þingsins eru saman komnar, svipaðar aðstæður eru uppi þegar stefnuræða nýkjörinna forseta á sér stað, en þær ræður eru ekki opinberlega taldar sem formleg ávörp af þessu tagi.[3]

Tilvísanir[breyta | breyta frumkóða]

  1. 1,0 1,1 The President's State of the Union Address: Tradition, Function, and Policy Implications. (PDF) Congressional Research Service. January 24, 2014. bls: 2.
  2. Katz, Richard (2008), Political institutions in the United States. New York: Oxford University Press. bls: 116. ISBN 0-19-928383-4
  3. „The President's address". . (The White House).
  Þessi stjórnmálagrein sem tengist Bandaríkjunum er stubbur. Þú getur hjálpað til með því að bæta við greinina.