Skúli Thoroddsen yngri
Skúli Thoroddsen (f. 24. mars 1890, d. 23. júlí 1917) var stjórnmálamaður, yfirdómslögmaður og alþingismaður.
Ævi og störf
[breyta | breyta frumkóða]Skúli fæddist á Ísafirði. Foreldrar hans voru Skúli Thoroddsen sýslumaður, bæjarstjóri, ritstjóri og alþingismaður, og kona hans Theodóra Thoroddsen húsfreyja og skáldkona.
Skúli ólst upp á miklu menningarheimili á Ísafirði, Bessastöðum á Álftanesi og í Vonarstræti 12 í Reykjavík. Hann var einn þrettán systkina; systkini hans eru: Unnur húsfreyja, Guðmundur, prófessor og yfirlæknir, Þorvaldur lést í frumbernsku, Þorvaldur fór til Vesturheims, Kristín Ólína yfirhjúkrunarkona og skólastýra, Katrín læknir, alþingismaður og bæjarfulltrúi, Jón lögfræðingur og skáld, sem lést ungur, Ragnhildur húsfreyja, Bolli borgarverkfræðingur, Sigurður verkfræðingur og alþingismaður, Sverrir bankafulltrúi og María Kristín húsfreyja.
Skúli var tekinn í Reykjavíkurskóla 1902, stundaði nám utanskóla, varð stúdent 1908. Stundaði nám í lögfræði við Kaupmannahafnarháskóla og frá 1912 í Háskóla Íslands, lauk þar embættisprófi 1914. Skúli varð yfirréttarmálaflutningsmaður 1915, málaflutningsmaður á Ísafirði 1914-1915 og Reykjavík og hafði jafnframt útgerð með höndum. Hann var yfirdómslögmaður í Reykjavík 1915 til dauðadags, og alþingismaður (utan flokka) Norður-Ísfirðinga 1916 til dauðadags, yngstur allra fulltrúa sem setið höfðu á þingi Íslendinga, síðan það var stofnað.
Skúli lést úr farsótt árið 1917, 27 ára að aldri. Unnusta hans var Guðrún Skúladóttir (1896-1950); dóttir þeirra: Unnur Thoroddsen Abilgaard, f. 1917, d. 2004.