Sadiq Khan

Úr Wikipediu, frjálsa alfræðiritinu
Jump to navigation Jump to search
Sadiq Khan.

Sadiq Khan (f. 8. október 1970 í Tooting, London) er núverandi borgarstjóri í London. Hann var kjörinn í maí 2016 með 57% atkvæða [1] og tók við af Boris Johnson. Khan er meðlimur Verkamannaflokksins og er lýst sem sósíaldemókrata.

Khan er af pakistönstum ættum og unnu foreldrar hans verkamannastörf; faðir hans sem strætisvagnabílstjóri og móðir hans sem saumakona. Hann lærði lögfræði og sérhæfði sig í mannréttindum. Khan hefur gegnt þingmennsku í Bretlandi og var meðal annars samgönguráðherra í stjórn Gordon Brown árið 2008.

Hann er fyrsti músliminn til að gegna borgarstjórastöðu í evrópskri höfuðborg. Við kjör sitt lofaði hann að vera borgarstjóri allra Lundúnabúa og beita sér gegn ójöfnuði.[2] Khan hefur kosið með hjónaböndum samkynhneigðra og sótti minningarathöfn um helförina í byrjun borgarstjórnartíðar sinnar.[3]

Tilvísanir[breyta | breyta frumkóða]

  1. British Muslim Sadiq Khan sworn in as London mayor Al Jazeera. Skoðað 9. maí, 2016
  2. Elections: Labour's Sadiq Khan elected London mayor BBC. Skoðað 9. maí 2016.
  3. Sadiq Khan Attends Holocaust Memorial as First Official Mayoral Act Haaretz. Skoðað 9. maí, 2016.