Sýslurnar svara
Sýslurnar svara var spurningakeppni í útvarpi, sem haldin var í Ríkisútvarpinu veturinn 1965-1966. Henni lauk með sigri Mýra- og Borgarfjarðarsýslu.
Keppnisfyrirkomulag var með þeim hætti að þriggja manna lið frá velflestum sýslum landsins kepptu með útsláttarfyrirkomulagi á sunnudagskvöldum. Voru sömu fimmtán spurningarnar lagðar fyrir hvort lið og sigraði það sem gat svarað fleiri spurningum rétt. Umsjónarmenn keppninnar voru Birgir Ísleifur Gunnarsson og Guðni Þórðarson, en árið áður höfðu þeir stýrt álíka þætti, Kaupstaðirnir keppa.
Viðureignir
[breyta | breyta frumkóða]1.umferð:
- Norður-Múlasýsla sigraði Suður-Múlasýslu
- Dalasýsla sigraði Strandasýslu
- Húnvetningar sigruðu Skagfirðinga
- Borgfirðingar sigruðu Snæfells- og Hnappadalssýslu
- Árnesingar sigruðu Gullbringu- og Kjósarsýslu
- Þingeyingar sigruðu Eyfirðinga
- Skaftfellingar sigruðu Rangæinga
- ...?
Fjórðungsúrslit:
- Borgfirðingar sigruðu lið Austur- og Vestur-Húnavatnssýslu
- Barðstrendingar sigruðu Dalasýslu
- Árnesingar sigruðu lið Austur- og Vestur-Skaftafellssýslu
- Þingeyingar sigruðu Norður-Múlasýslu
Undanúrslit:
- Þingeyingar sigruðu Árnesinga
- Borgfirðingar sigruðu lið Vestur- og Austur-Barðastrandarsýslu
Úrslit:
- Mýra- og Borgarfjarðasýsla sigraði lið Norður- og Suður-Þingeyjarsýslu
- Sigurliðið skipuðu: Magnús Sigurðsson, Sr. Einar Guðnason og Sigurður Ásgeirsson
- Lið Þingeyinga skipuðu: Þóroddur Jónasson, Þráinn Þórarinsson og Guðmundur Gunnarsson