Sósíalíski vinstriflokkurinn

Sósíalíski vinstriflokkurinn Sosialistisk Venstreparti
Leiðtogi	Kirsti Bergstø
Stofnár	16. mars 1975 (1975-03-16)
Höfuðstöðvar	Hagegata 22, Ósló
Félagatal	11.385 (2020)
Stjórnmálaleg hugmyndafræði	Sósíalismi, umhverfishyggja, friðarhyggja, lýðveldisstefna
Einkennislitur	Rauður
Sæti á stórþinginu
Vefsíða	www.sv.no

Sósíalíski vinstriflokkurinn (SV – Sosialistisk Venstreparti) er norskur stjórnmálaflokkur sem samkvæmt stefnuskrá sinni er „sósíalískur, umhverfissinnaður, friðarsinnaður og andsnúinn kynþáttahyggju“.

Flokkurinn var stofnaður 1975, en á rætur í Sósíalíska þjóðarflokknum sem var stofnaður 1961. Bakgrunnur þess að SF og seinna SV var sett á laggirnar var óánægja með vinahót Verkamannaflokksins við vesturveldin í kalda stríðinu. Frá 1960 til 1980 einkendist utanríkisstefna flokksins af sambandi við austantjaldslöndin og andstöðu við aðild Noregs að Atlantshafsbandalaginu. Í formannstíðum Eriks Solheim og Kristins Halvorsen síðan 1987 hefur flokkurinn lagt meiri áherslu á innanríkismál. Flokkurinn kom nærri því að klofna þegar flokksforystan og stórþingsmeðlimirnir studdu hernaðaraðgerðir gegn Júgóslavíu árið 1999. Frá 2005 til 2013 studdi flokkurinn ríkisstjórn sem leidd var af Verkamannaflokknum og Jens Stoltenberg.

Í þingkosningum árið 2009 fékk flokkurinn 6,2% atkvæða og 11 sæti í stórþinginu. Í sveitarstjórnarkosningum 2011 fékk flokkurinn 4,1 % atkvæða. Kirsti Bergstø hefur verið formaður flokksins frá 2023. Flokkurinn telst til vinstri við Verkamannaflokkinn en til hægri við Rødt og NKP.