Sæðisfruma
Sáðfruma eða sæðisfruma er einlitna kynfruma karldýra. Sáðfruma rennur saman við eggfrumu til að mynda okfrumu. Okfruma er er tvílitna og getur orðið að fósturvísi.
Sáðfrumur gefa tvílitna afkvæmum helming allra nauðsynlegra erfðaupplýsinga. Í spendýrum ræðst kyn afkvæmis af sáðfrumunni: sáðfruma með Y-litningi orsakar karlkynsafkvæmi (XY) og sáðfruma með X-litningi orsakar kvenkynsafkvæmi. Anton van Leeuwenhoek var fyrsti maðurinn til að rannsaka sáðfrumur árið 1677.
