Röntgengeislun
Röntgengeislun er jónandi rafsegulgeislun með bylgjulengd á bilinu 10 til 0,01 nanómetra.[1] Þessi tegund geislunar er nefnd eftir Wilhelm Conrad Röntgen sem fyrstur rannsakaði hana og uppgötvaði 8. nóvember árið 1895. Ljósmyndir teknar með röntgengeislum eru nefndar röntgenmyndir og eru mikið notaðar við sjúkdómsgreiningu. Á sjúkrahúsum sjá geislafræðingar um röntgenmyndatökur. Röntgentæki sem notuð eru á sjúkrahúsum miðast við styrk geislunar sem er skaðlaus fyrir líkamsvefi,[2] en hægt er að nota öflugri geisla sem smjúga gegnum þétt efni. Slíkir geislar eru til dæmis notaðir við landamæraeftirlit og tollgæslu.[3]
Tilvísanir
[breyta | breyta frumkóða]- ↑ Jónína Guðjónsdóttir (7.2.2012). „Hvað er röntgen og getur röntgengeislinn verið hættulegur?“. Vísindavefurinn.
- ↑ Jónína Guðjónsdóttir (18.3.2011). „Hvað sendir frá sér geislun, í til dæmis röntgentækjum?“. Vísindavefurinn.
- ↑ Jónína Guðjónsdóttir (2.4.2011). „Er hægt að sjá í gegnum málma með röntgengeislum?“. Vísindavefurinn.
