Pennsylvaníuháskóli

Úr Wikipediu, frjálsa alfræðiritinu
Pennylvaníuháskóli að hausti.

Pennylvaníuháskóli eða University of Pennsylvania (einnig þekktur sem Penn, Upenn eða U of P) er bandarískur einkaskóli í Philadelphiu í Pennsylvaníu. Að sögn skólayfirvalda er skólinn fyrsti rannsóknarháskóli (e university) Bandaríkjanna[1] og fjórði elsti háskólinn (e. college).[2] Pennsylvaníuháskóli er einn hinna átta svonefndu Ivy League-skóla.

Níu þeirra sem undirrituðu sjálfstæðisyfirlýsingu Bandaríkjanna og ellefu þeirra sem undirrituðu bandarísku stjórnarskrána tengdust háskólanum. Benjamin Franklin, stofnandi skólans, var málsvari menntastefnu sem einblíndi ekki síður á hagnýta menntun fyrir verslun og viðskipti en á fornfræði og guðfræði. Pennsylvaníuháskóli var einn fyrsti háskóli Bandaríkjanna til þess að taka upp evrópskt háskóladeildaskipulag.

Pennsylvaníuháskóli er einkum þekktur fyrir viðskipta- og lagaskóla og læknaskóla háskólans. Um 4.500 kennarar kenna um 10.000 grunnnemum og um 10.000 framhaldsnemum.

Einkunnarorð skólans eru Leges sine moribus vanae eða „Lög án siðferðis eru innantóm“.

Gallerí[breyta | breyta frumkóða]

Tilvísanir[breyta | breyta frumkóða]

  1. „The University of Pennsylvania: America's First University“. Afrit af upprunalegu geymt þann 3. febrúar 2012. Sótt 19. mars 2007.
  2. Pennsylvaníuháskóli, Princeton-háskóli og Columbia-háskóli voru allir stofnaðir um svipað leyti. Árið 1899 breytti Pennsylvaníuháskóli opinberlega „stofnári“ sínu úr 1749 í 1740. Princeton-háskóli viðurkennir breytinguna ekki en hann gerir einnig tilkall til þess að vera fjórði elsti háskóli Bandaríkjanna, History

Tenglar[breyta | breyta frumkóða]

  Þessi skólagrein er stubbur. Þú getur hjálpað til með því að bæta við greinina.