Parasetamól

Úr Wikipediu, frjálsa alfræðiritinu
Jump to navigation Jump to search
Uppbyging parasetamóls

Parasetamól (selt á Íslandi undir sérlyfjaheitunum Panodil og Paratabs; kallast acetaminophen í Bandaríkjunum) er verkjastillandi og hitalækkandi lyf. Það hentar við vægum verkjum sé engin bólga fyrir. Verkjastillandi áhrif parasetamóls eru sambærileg við asetýlsalicýlsýru (aspirín). Parasetamól er einnig notað til að slá á sótthita. Það ertir ekki magaslímhúð og hentar þeim sem hafa fengið magasár eða eru viðkvæmir í maga. Parasetamól er oft blandað öðru verkjastillandi efni, kódeini, til þess að magna áhrif þess.

Parasetamól er mjög öruggt lyf þegar það er tekið í eðlilegum skömmtum. Sjaldgæft er að fólk fái útbrot. Hár ofskammtur af parsetamóli leiðir til skemmdar í lifrinni og lifrarbilunar. Áfengissjúklingar og fólk með lifrarskemmdir er mun líklegra til að fá þessar hættulegu aukaverkanir, þar sem lifrin í þeim starfar ekki sem skyldi.[1][2]

Parasetamól hentar ekki til sjálfsmorðs. Hár ofskammtur af parasetamóli leiðir ekki til meðvitundarleysis heldur langra kvalafullra veikinda og að lokum dauða. Sé parasetamólið ekki fjarlægt úr líkamanum um leið er ekki hægt að afstýra einkennum ofskammts: svima, uppkasta, svita, og sársauka þegar lifrarbilun kemur fram. Lifrarbilunin dregur fólk til dauða á 3–5 dögum eða allt að 4–6 vikum.[3]

Tilvitnanir[breyta | breyta frumkóða]

  1. Hughes, John (2008). Pain Management: From Basics to Clinical Practice. Elsevier Health Sciences. ISBN 9780443103360.
  2. Dukes, MNG; Jeffrey K Aronson (2000). Meyler's Side Effects of Drugs, Vol XIV. Elsevier. ISBN 9780444500939.
  3. „Paracetamol“. University of Oxford Centre for Suicide Research. 25. mars 2013. Afrit from the original on 20 March 2013. Sótt 20. apríl 2013.
Wiki letter w.svg  Þessi grein er stubbur. Þú getur hjálpað til með því að bæta við greinina.