Oddskarðsgöng
Oddskarðsgöng voru einbreið jarðgöng á Austurlandi sem gengu á milli Eskifjarðar og Neskaupstaðar. Göngin voru opnuð 1977 og voru í notkun þar til Norðfjarðargöng komu í stað þeirra árið 2017.[1] Göngin eru nú lokuð.
Neskaupstaður komst fyrst í vegasamband við aðrar byggðir árið 1949 og lá leiðin um Oddskarð. Það er einn hæsti fjallvegur á landinu og hann getur verið ófær vegna snjóþyngdar.[2] Því var hafist handa við Oddskarðsgöng árið 1974 og þau tekin í notkun 1978. Göngin eru 626 metra löng og í 632 metra hæð yfir sjávarmáli.[2] Oddskarðsgöng gerðu leiðina mun léttari yfirferðar en þar sem göngin voru í talsverðri hæð gat verið þungt að komast að þeim.
Eskifjarðarmegin við Oddskarð er miðstöð vetraríþrótta og skíðalyfta.[2]