Nerlerit Inaat-flugvöllur

Flugturninn á Nerlerit Inaat-flugvelli.

Nerlerit Inaat-flugvöllur eða Constable Point-flugvöllur (IATA: CNP, ICAO: BGCO) er lítill flugvöllur innst við Hurry-fjörð sem gengur inn af Scoresby-sundi á Austur-Grænlandi í sveitarfélaginu Sermersooq. Flugvöllurinn var upphaflega reistur af bandaríska olíufyrirtækinu ARCO árið 1985 í tengslum við olíuleit á Jameson-landi en fyrirtækið seldi Grænlandsstjórn flugvöllinn árið 1990. Air Greenland rekur þar þyrluþjónustu sem tengir flugvöllinn við þorpið Ittoqqortoormiit. Íslensku flugfélögin Norlandair og Icelandair hafa flogið leiguflug þangað.

Komið hefur til tals að flytja flugvöllinn á nýjan stað á milli Ittoqqortoormiit og Tobin-höfða á suðurströnd Liverpool-lands til að losna við rekstur þyrluþjónustunnar þegar Hurry-fjörður er ísilagður.

Tilvísanir

  Þessi grein er stubbur. Þú getur hjálpað til með því að bæta við greinina.