Tobin-höfði

Ísjaki utan við þorpið á Tobin-höfða.

Tobin-höfði (grænlenska: Uunarteq „sem maður brennir sig á“) er höfði við mynni Scoresby-sunds að norðanverðu og syðsti oddi Liverpool-lands. Á höfðanum er yfirgefið þorp sem er viðhaldið sem sumarhúsabyggð. Þorpið var eitt af þeim sem Ejnar Mikkelsen stóð fyrir að stofna við Scoresby-sund árið 1926. Þar voru veðurstöð og jarðskjálftamælar. Íbúar urðu flestir um 120, en þorpið var að mestu yfirgefið um miðjan 9. áratug 20. aldar. Á höfðanum er hver með 62˚C heitu vatni. Hverinn gefur frá sér helín sem stafar af náttúrulegu niðurbroti úrans í möttlinum og gæti mögulega fundist í vinnanlegu magni.

William Scoresby nefndi höfðann eftir John Tobin sem var útgerðarmaður og kaupmaður í Liverpool. Á Tobin-höfða hafa fundist mikið af minjum eftir forneskimóa frá öllum stigum grænlenskrar fornmenningar, enda er Scoresby-vökin þar skammt undan landi.

Tilvísanir

  Þessi grein er stubbur. Þú getur hjálpað til með því að bæta við greinina.