Dave Mustaine

Dave Mustaine, 2022.

David Scott "Dave" Mustaine (fæddur 13. september, 1961 í La Mesa, Kaliforníu) er bandarískur tónlistarmaður og stofnandi þungarokkssveitarinnar Megadeth.

Mustaine byrjaði í hljómsveitinni Panic en hann hafði kynnst bresku nýbylgjunni þungarokki. Hann varð síðar stofnandi Metallica árið 1981 þegar hann svaraði auglýsingu Lars Ulrich. Mustaine var rekinn úr bandinu fyrir stjórnlausa hegðun; drykkju, fíkniefnaneyslu og ofbeldi, áður en þeir hljóðrituðu frumburð sinn Kill 'Em All. Mustaine var þó titlaður höfundur nokkurra laga á henni sem og tveggja laga á næstu plötu, Ride the Lightning. Hann hélt áfram í tónlist og stofnaði Megadeth sem hann fór fyrir síðan.

Mustaine var alinn upp sem votti Jehóva. Hann var ekki trúaður um tíma en fékk trúarlega vakningu seinna í gegnum áfengismeðferð. Af þeim sökum neitaði hann að spila á tónleikum með hljómsveitum með sataníska ímynd eins og Rotting Christ og Dissection.

Mustaine fékk hálskrabbamein árið 2019 en jafnaði sig á því eftir meðferð.

Hann ákvað að gefa út síðustu plötu Megadeth árið 2026 og halda á nokkurra ára kveðjutúr.