Magnús Eiríksson (tónlistarmaður)
Magnús Eiríksson | |
|---|---|
| Fæðing | 25. ágúst 1945 Reykjavík, Íslandi |
| Andlát | 9. janúar 2026 (80 ára) |
| Önnur nöfn | Maggi Eiríks, Maggi í Rín |
| Störf | Tónlistarmaður |
| Ár | 1961–2026 |
| Maki | Elsa Guðrún Stefánsdóttir |
| Börn | 3 |
| Samvinna | KK, Pálmi Gunnarsson, Ragnhildur Gísladóttir, Guðberg Auðunsson, Megas, Vilhjálmur Vilhjálmsson, Þorleifur Guðjónsson, Hrund Ósk Árnadóttir |
| Áður meðlimur í | E.M. Sextett Sexurnar Skuggasveinar Pónik Blúskompaníið Uncle John's band Lísa Mannakorn Jazzhljómsveit Guðmundar Ingólfssonar Brunaliðið KK og Maggi Eiríks |
Magnús Eiríksson (25. ágúst 1945 – 9. janúar 2026) var íslenskur tónlistarmaður sem þekktastur var fyrir hljómsveit sína Mannakorn, hljómsveitina Brunaliðið og að hafa samið fyrsta íslenska Eurovision-lagið Gleðibankann. Hann starfaði einnig með KK og gaf út nokkrar plötur með honum.
Magnús stundaði nám við Tónlistarskólann í Reykjavík. Tónlistaferilinn hóf hann með E.M. sextett árið 1961, þá sextán ára gamall. Einnig spilaði hann með Sexunum og Skuggasveinum og bítlasveitinni Pónik. Síðar stofnaði hann Blúskompaníið sem var blússveit. Tengt því stofnaði hann áhugamannaklúbb um blús, Blue note.
Hann starfaði í og eignaðist síðar hljóðfæraverslunina Rín. Hann var einn af stofnendum og fyrsti formaður Félags tónskálda og textahöfunda og var formaður STEFs um tíma.
Magnús gaf út eina sólóplötu, Smámyndir (1982) þar sem m.a. má finna slagarana Þorparinn með Pálma Gunnarssyni og Draumaprinsinn með Ragnhildi Gísladóttur. Hann hlaut ýmsar viðurkenningar: Fálkaorðuna fyrir framlag sitt til tónlistarinnar (2014), heiðurverðlaun Íslensku tónlistarverðlaunanna (1999) og þakkarorðu íslenskrar tónlistar á Degi íslenskrar tónlistar (2024).
Magnús lést árið 2026, áttræður að aldri. Eiginkona Magnúsar var Elsa Guðrún Stefánsdóttir (1949-1999). Þau eignuðust þrjá syni.[1]
Plötur
[breyta | breyta frumkóða]Sóló
[breyta | breyta frumkóða]- 1982: "Smámyndir"
KK og Maggi Eiríks
[breyta | breyta frumkóða]- 1996: "Ómissandi fólk"
- 1999: "Kóngur einn dag" (Japis)
- 2000: "Lifað og leikið" (Zonet)
- 2003: "22 Ferðalög" (Zonet)
- 2005: "Fleiri ferðalög" (Zonet)
- 2007: "Langferðalög" (Zonet)
- 2011: "Þrefaldur" (Zonet 044) (3CD sett: Ómissandi fólk, Kóngur einn dag, and Lifað og leikið.)
- 2013: "Úti á sjó"
Mannakorn
[breyta | breyta frumkóða]Sjá: Mannakorn
Brunaliðið
[breyta | breyta frumkóða]Sjá: Brunaliðið
Tenglar
[breyta | breyta frumkóða]Tilvísanir
[breyta | breyta frumkóða]- ↑ Magnús Eiríksson er látinn Vísir, sótt 9. janúar 2026