Brunaliðið

Brunaliðið var íslensk popphljómsveit sem starfaði frá 1978 til 1980. Hugmyndin að sveitinni kom hjá Magnúsi Kjartansyni árið 1977. Helsti smellur sveitarinnar er „Ég er á leiðinni“.

Meðlimir voru Magnús Kjartansson sem lék á hljómborð og söng, Pálmi Gunnarsson bassaleikari og söngvari, Sigurður Karlsson trommuleikari, Þórður Árnason gítarleikari, Magnús Eiríksson gítarleikari, Þórhallur Sigurðsson (Laddi) söngvari og söngkonurnar Ragnhildur Gísladóttir og Sigrún Hjálmtýsdóttir (Diddú). Síðar komu söngkonurnar Erna Gunnarsdóttir, Eva Ásrún Albertsdóttir og Erna Þórarinsdóttir (Erna, Eva og Erna) og gestaspilarar.

Sveitin hefur komið saman aftur árin 2014-2015 og 2024.

Plötur

• Úr öskunni í eldinn (1978)
• Með eld í hjarta (jólaplata, 1978)
• Burt með reykinn (stuttskífa, 1979)
• Útkall (1979)

Tenglar

• Glatkistan -Brunaliðið