Mjólkursamsalan

Mjólkursamsalan (MS)
Rekstrarform	Hlutafélag
Slagorð	Mjólkurvörur í sérflokki
Stofnað	4. september 1927
Staðsetning	Bitruhálsi 1, 110 Reykjavík
Lykilpersónur	Pálmi Vilhjálmsson, forstjóri Elín M. Stefánsdóttir, Fellshlíð, stjórnarformaður
Vefsíða	https://www.ms.is/

Mjólkursamsalan, skammstafað MS, er íslenskt hlutafélag í eigu samvinnufélaganna Auðhumlu og Kaupfélags Skagfirðinga sem sinnir sölu og vinnslu á mjólk og mjólkurafurðum. MS varð til í núverandi mynd við hagræðingu í mjólkuriðnaðinum sem hófst skipulega um miðjan tíunda áratuginn þegar stjórnvöld ákváðu að lækka þyrfti kostnað við vinnslu á mjólk. Sameinaðist rúmur tugur félaga í mjólkuriðnaði í færri einingar næsta áratuginn. Mjólkursamsalan í núverandi mynd hefur starfað frá árinu 2007. Elsta fyrirtækið í sameinuðu félagi MS er Mjólkursamlag KEA, sem stofnað var á sérstökum fulltrúaráðsfundi 4. september árið 1927, sem telst vera stofndagur MS. Mjólkursamsalan notar 1-2% af þeim sykri sem fluttur er til Íslands árlega, eða um 150 til 300 tonn.

Framleiðslustöðvar

MS framleiðir vörur sínar á eftirfarandi stöðum:

• Akureyri
• Búðardalur
• Egilsstaðir
• Reykjavík
• Selfoss

Dótturfyrirtæki

• Íslenskar mysuafurðir (til helmings við Kaupfélag Skagfirðinga)

Erlend starfsemi

Árið 2006 hófst útflutningur á skyri til Bandaríkjanna, til Grænlands árið 2007 og til Finnlands árið 2010. Í dag er vörumerki Mjólkursamsölunnar, Ísey skyr fáanlegt i 20 löndum

Árið 2020 var skipulagi Mjólkursamsölunnar breytt. Tvö fé­lög fara með er­lenda starf­semi fyr­ir­tæk­is­ins en það þriðja með inn­lenda starf­semi. Mjólkursamsalan er með innlenda starfsemi og Ísey út­flutn­ing­ur ehf. og Ísey Skyr Bar ehf. færðist í fé­lagið MS er­lend starf­semi ehf. og hlut­ur fyrirtækisins í banda­ríska skyr­fyr­ir­tæk­inu Icelandic Provisi­ons í fé­lagið MS eign­ar­hald ehf. Öll félögin eru áfram í eigu sam­vinnu­fé­lagana Auðhumlu og Kaup­fé­lags Skag­f­irðinga.

Íslenskuátök

Frá árinu 1994 hefur fyrirtækið lagt mikið kapp á störf í þágu íslenskrar tungu. Sama ár samdi Þórarinn Eldjárn íslenskuljóðið sem hefst á orðunum „Á íslensku má alltaf finna svar“ sérstaklega fyrir MS í tilefni af samstarfi MS og Íslenskrar málnefndar. Ljóðið er ort við þekkt lag eftir Atla Heimi Sveinsson.

Mjólkurfernur hafa oft verið skreyttar ljóðum og smásögum. Árið 2018 fékk MS heiðursverðlaun hvatningarverðlauna viðskiptalífsins um eftirtektaverða notkun á íslenskri tungu.

Þekktar vörur og lukkudýr

MS hefur ýmsar vörur sem eru vel þekktar og margar þeirra voru með sín eigin Lukkudýr.

Klói (kókómjólk)

Kókómjólkin hefur verið í framleiðslu hjá MS síðan 1973, og lukkudýrið hennar er bröndóttur köttur sem hefur prýtt fernurnar síðan 1975. Það var ekki fyrr en 1990 sem kötturinn breyttist í Klóa sem við þekkjum í dag. Slagorðin hans eru „Þú færð kraft úr kókómjólk“.

Gotti (ostur)

MS var með nafnasamkeppni um hvað þeir ættu að nefna nýjan brauðost sem átti að fara í framleiðslu og þannig varð Gotti til og tilheyrandi lag „Gotti borðar ost“.

Skvetta (mjólk)

Það var nafnasamkeppni haldin árið 2011 á meðal yngstu kynslóðarinnar (12 ára og yngri) um hvað ætti að nefna mjólkurkúnna sem prýðir mjólkurfernurnar hjá MS. Nafnið Skvetta varð fyrir valinu.

Dreitill (d-vítamínbætt léttmjólk)

Dreitill var mjólkurdropi sem kom með d-vítamínbættri léttmjólk sem var mikið auglýst í grunnskólum til að bæta inntöku D-vítamíns hjá börnum. Það voru allavega tvö auglýsingarlög samin.

Skólajógúrt

Persónunar voru víst ekki nefndar sem skreyttu umbúðir skólajógúrts, en þar voru manngerðir ávextir sem sungu í auglýsingum. Skólajógúrt er ekki lengur í framleiðslu.

Tenglar

• Vefsíða MS
• Samtök afurðastöðva í mjólkuriðnaði
• Uppbygging stórveldis í skjóli einkaleyfis; grein í Morgunblaðinu 1992

  Þessi grein er stubbur. Þú getur hjálpað til með því að bæta við greinina.