Atli Heimir Sveinsson
Atli Heimir Sveinsson (21. september 1938 - 20. apríl 2019) var íslenskt tónskáld. Hann fékk Tónlistarverðlaun Norðurlandaráðs árið 1976 fyrir „Konsert fyrir flautu og hljómsveit" sem hann samdi fyrir kanadiska flautuleikarann Robert Aitken. Atli var meðal kunnustu tónskálda Íslands, ekki síst fyrir leikhústónlist sína, m.a. Dimmalimm (1970), Ofvitann (1979), Land míns föður (1984) og Sjálfstætt fólk (2000).
Atli Heimir Sveinsson fæddist í Reykjavík, sonur hjónanna Kristínar Guðmundsdóttur og Sveins Þórðarsonar sem var aðalgjaldkeri Búnaðarbankans. Hann fór snemma að fást við tónlist og stundaði tónlistarnám á Íslandi, ásamt námi við Menntaskólann í Reykjavík, og að loknu stúdentsprófi hóf hann tónlistarnám erlendis, við tónlistarháskólann í Köln auk þess sem hann sótti hin frægu tónsmíðanámskeið í Darmstadt. Atli var á sínum tíma eina íslenska tónskáldið sem numið hafði raftónlist við háskóla sérstaklega. Síðan hann lauk tónlistarnámi sínu starfaði hann sem tónskáld og tónlistarmaður í Reykjavik.
Atli var á sínum tíma tónlistarkennari Menntaskólans í Reykjavík og hafði fyrr á árum umsjón með tónlistarþáttum í Rikisútvarpinu. Hann var formaður Tónskáldafélags Íslands um árabil (1972-1983) og stóð meðal annars að framkvæmd ISCM-hátíðarinnar á Íslandi 1973, Norrænna músíkdaga 1976, og stofnun Myrkra músíkdaga 1980.
Eitt og annað
[breyta | breyta frumkóða]- Atli Heimir var af Bergsætt sem gædd er ríkulegri tónlistargáfu, en af þeirri ætt var líka dr. Páll Ísólfsson tónskáld.
- Teitur Atlason, bloggari á DV, er elsti sonur Atla Heimis.
Tengt efni
[breyta | breyta frumkóða]Tenglar
[breyta | breyta frumkóða]- Atli Heimir Sveinsson; grein í DV 2003
- Kæfir ræðuhöld með tónlist; grein í Fréttablaðinu 2004
- Vekur athygli; grein í Vísi 1962
- Atli Heimir Sveinsson, heimasíða
Þessi æviágripsgrein sem tengist Íslandi er stubbur. Þú getur hjálpað til með því að bæta við greinina.