Mæðragarðurinn

Úr Wikipediu, frjálsa alfræðiritinu
Jump to navigation Jump to search

Mæðragarðurinn er garður í Lækjargötu í Reykjavík. Hann var gerður árið 1925 og var aðallega ætlaður mæðrum með ung börn. Garðurinn afmarkast af Lækjargötu í vestri, Bókhlöðustíg í norðri, lóða vestan við Laufásveg í austri og Míðbæjarskólanum í suðri. Þetta svæði tilheyrði áður Skálholtskoti sem var ein af hjáleigum Víkur. Bærinn Skálholtskot stóð á svæði milli húsa númer 13 og 17 við Laufásveg. Laufásvegur var upphaflega slóði að Skálholtskoti.

Styttan Móðurást eftir Nínu Sæmundsson var sett upp í Mæðragarðinum árið 1928. Þetta var fyrsta stytta á opinberum vettvangi sem ekki var minnismerki heldur listaverk. Móðurást stendur þar sem brunnurinn Skálholtslind eða Skálholtsbrunnur var áður. Mæðragarðurinn dregur nafn sitt af styttunni Móðurást en þarna var áður barnaleikvöllur sem kallaður var Útnorðurvöllur.

Árið 1950 var Lækjargata breikkuð og þá var garðurinn minnkaður mikið.

Í Mæðragarðinum er frægur áttstrendur turn, Söluturninn.

Spennistöðin á Bókhlöðustíg

Við Bókhlöðustíg stendur ein af spennistöðvum Rafmagnsveitu Reykjavíkur. Þetta er ein af sjö spennistöðvum sem voru byggðar í Reykjavík til að taka við rafmagni frá Elliðaárstöðinni sem tók til starfa árið 1921.

Heimildir[breyta | breyta frumkóða]