LP-HSH -1022

Úr Wikipediu, frjálsa alfræðiritinu
Jump to navigation Jump to search
Hátíð í bæ
Forsíða LP-HSH -1022

Bakhlið LP-HSH -1022
Bakhlið

Gerð LP-HSH-1022
Flytjandi Haukur Morthens
Gefin út 1964
Tónlistarstefna Jólalög
Útgáfufyrirtæki HSH

Hátíð í bæ er 33 snúninga hljómplata gefin út af Hljóðfæraverslun Sigríðar Helgadóttur árið 1964. Á henni flytur Haukur Morthens 20 jóla og barnasöngva. Útsetningar: Ólafur Gaukur. Upptaka: Albrechtsen Tonstudio. Pressun: Oslo Emballasjefabrik. Platan er í monó. Ljósmynd: Pétur Ó. Þorsteinsson.

Lagalisti[breyta | breyta frumkóða]

  1. Aðfangadagskvöld - Lag - texti: NN
  2. Í Betlehem er barn oss fætt - Lag - texti: NN
  3. Göngum við í kringum einiberjarunn - Lag - texti: NN
  4. Jólasveinar einn og átta - Lag - texti: NN
  5. Það er leikur að læra - Lag - texti: NN
  6. Nú gjalla klukkur - Lag - texti: NN
  7. Hvít jól - Lag - texti: NN
  8. Hún Þyrnirós var besta barn - Lag - texti: NN
  9. Mamma mín - Lag - texti: NN
  10. Jólaklukkur - Lag - texti: NN
  11. Hátíð í bæ - Lag - texti: NN
  12. Jólaljós skært - Lag - texti: NN
  13. Ef að hjá pabba einn fimmeyring ég fengi - Lag - texti: NN
  14. Það á að gefa börnum brauð - Lag - texti: NN
  15. Adam átti syni sjö - Lag - texti: NN
  16. Hann Tumi fer á fætur - Lag - texti: NN
  17. Dansi, dansi dúkkan mín - Lag - texti: NN
  18. Hvar sem flýtur mitt fley - Lag - texti: NN
  19. Heim til þín - Lag - texti: NN
  20. Heims um ból - Lag - texti: NN

Haukur Morthens með hljómsveit[breyta | breyta frumkóða]

Þessi hæggenga hljómplata frá Hljóðfæraverzlun Sigríðar Helgadóttur býður upp á 20 eldri og yngri jóla- og barnasöngva, sem margir eru í nýstárlegum búningi. Þeir eru sungnir af hinum góðkunna og vinsæla söngvara Hauki Morthens við undirleik hljómsveitar. Útsetningar gerði Ólafur Gaukur. Sum þessara laga eru lítt kunn, en þau eiga vafalaust eftir að verða vinsæl á íslenzkum heimilum. Hugmyndin með þessari nýju hljómplötu er meðal annars sú að sameina heimilisfólkið, unga og eldri, um að syngja og ganga kringum jólatréð. Látið því plötuna á grammófóninn og takið lagið með Hauki Morthens þegar hann syngur hátíð í bæ. Hér sannar hann enn einu sinni hve fjölhæfur söngvari hann er og smekkvís í meðferð texta og laglínu.

Við hefjum þessa hátíð með því að syngja AÐFANGADAGSKVÖLD, sem lýsir önnum heimilisins áður en jólahátíðin gengur í garð og jólaklukkurnar hringja inn sjálfa hátíðina, sem hefst eins og vera ber á hinum vinsæla jólasálmi í BETLEHEM ER BARN OSS FÆTT (texti Valdimar Briem). Að sálminum loknum er tilvalið að syngja syrpu léttari laga sem koma börnunum í gott skap: GÖNGUM VIÐ í KRINGUM EINIBERJARUNN, JÓLASVEINAR EINN OG ÁTTA, ÞAÐ ER LEIKUR AÐ LÆRA og NÚ GJALLA KLUKKUR. Flesta dreymir um hvít jól, og því er ekki óviðeigandi að syngja næst HVÍT JÓL (texti Fríða Sæmundsdóttir), hið alkunna ameríska jólalag sem Bing Crosby kvnnti á sínum tíma og hefur síðan verið sungið á fjölmörgum þjóðtungum. Lagið um hana ÞYRNIRÓSU syngja öll börn með ævintýraglampa í auga, og ekki megum við gleyma að syngja um hana mömmu, sem tengd er öllum okkar ljúfustu jólaminningum. Þessvegna syngjum við líka íslenzka lagið MAMMA MÍN eftir Jenna Jónsson.

Seinni helmingur plötunnar hefst á sígildu alþjóðlegu lagi, sem hér nefnist JÓLAKLUKKUR við texta eftir Loft Guðmundsson. HÁTÍÐ í BÆ við texta eftir Ólaf Gauk er létt lag, sem oft verður sungið á næstu mánuðum. JÓLALJÓSIÐ SKÆRT er amerískt jólalag, sem Reinhardt Reinhardtsson hefur samið íslenzkan texta við, ljúft lag og innilegt. Vísurnar snjöllu, EF AÐ HJÁ PABBA EINN FIMMEYRING ÉG FENGI, syngja bæði börn og fullorðnir meðan gengið er kringum jólatréð. Aðrir gamlir kunningjar, sem afi og amma sungu á sínum yngri árum,eru hér líka: ADAM ÁTTI SYNI SJÖ, HANN TUMI FER Á FÆTUR, DANSI DANSI DÚKKAN MÍN og ÞAÐ Á AÐ GEFA BÖRNUM BRAUÐ. Ekki er heldur úr vegi að hugsa út á hafið, því mörg íslenzk börn eiga ættingja á sjónum um jólaleytið. Þess vegna syngjum við einnig HVERT SEM FLÝTUR MITT FLEY við texta eftir Reinhardt Reinhardtsson, og í framhaldi af því syngjum við náttúrlega óskalagið HEIM TIL ÞÍN, sem túlkar þrá farmannsins á jólunum. Textinn er eftir Ólaf Gauk. Hátíð í bæ ljúkum við svo með hinum gullfagra sálmi HEIMS UM BÓL, sem Sveinbjörn Egilsson samdi texta við á síðustu öld og hljómar á hverju heimili ár eftir ár á helgustu hátíð ársins.

 
NN