Lýðræðislegi framfaraflokkurinn

Lýðræðislegi framfaraflokkurinn 民主進步黨 Mínzhǔ Jìnbù Dǎng
Formaður	Tsai Ing-wen
Aðalritari	Lin Hsi-yao
Stofnár	28. september 1986 (1986-09-28)
Höfuðstöðvar	Taípei, Taívan
Stjórnmálaleg hugmyndafræði	Félagslegt frjálslyndi, taívönsk þjóðernishyggja, vinstristefna
Einkennislitur	Grænn
Sæti á löggjafarþinginu
Vefsíða	www.dpp.org.tw/

Lýðræðislegi framfaraflokkurinn er stjórnmálaflokkur á Taívan. Flokkurinn er annar af tveimur stærstu flokkum landsins ásamt kínverska þjóðernisflokknum Kuomintang. Ólíkt Kuomintang styður Lýðræðislegi framfaraflokkurinn ekki samruna Taívans við meginland Kína, þar sem Alþýðulýðveldið Kína fer með völd, heldur styður hann stofnun sjálfstæðs lýðveldis og viðurkenningu á sérstöku þjóðerni Taívana. Um þessar mundir er Lýðræðislegi framfaraflokkurinn með meirihluta á löggjafarþingi Taívans og núverandi forseti Taívans, Tsai Ing-wen, er meðlimur í flokknum. Tsai er annar forseti Taívans úr Lýðræðislega framfaraflokknum.

Flokkurinn rekur uppruna sinn til breiðfylkingar stjórnarandstöðuhópa sem mynduðu bandalag gegn flokksræði Kuomintangs á Taívan á níunda áratugnum. Miðað við Kuomintang er flokkurinn í dag talinn vinstri- eða miðvinstrisinnaður í félags- og efnahagsmálum og er þekktur fyrir áherslu á vernd mannréttinda og á andkommúnisma.

Fyrsti forseti Taívans úr Lýðræðislega framfaraflokknum var Chen Shui-bian, sem var kjörinn forseti árið 2000 og rauf þannig áratuga langa stjórnartíð Kuomintang. Fyrir framboð sitt hafði hann þó mildað nokkuð afstöðu sína og fallið frá stefnunni um aðdráttarlausan aðskilnað frá meginlandi Kína.