Kristjana Stefánsdóttir

Úr Wikipediu, frjálsa alfræðiritinu
Jump to navigation Jump to search

Kristjana Stefánsdóttir (f. 25. maí 1968) er íslensk jasssöngkona, fædd og uppalin á Selfossi en býr og starfar í Reykjavík. Hún hefur komið fram með hljómsveitum á borð við Stórsveit Reykjavíkur ásamt því að starfa sem tónlistarstjóri í leikhúsi og tónskáld.

Nám[breyta | breyta frumkóða]

Kristjana lauk námi í jasssöng frá Konunglega Listaháskólanum í Haag í Hollandi árið 2000. Áður hafði hún lokið söngnámi við Söngskólann í Reykjavík og sótt einkatíma hjá Sigrúnu Hjálmtýsdóttur og Sigríði Ellu Magnúsdóttur. Auk þess að nema söngtækni hjá Cathrine Sadolin í Complete Vocal Institute í Kaupmannahöfn 2005.

Tónlistarferill[breyta | breyta frumkóða]

Fyrsta geislaplata hennar „Ég verð heima um jólin“ kom út árið 1996. Á þeirri plötu voru gestasöngvarar Páll Óskar Hjálmtýsson og Emilíana Torrini. Síðan þá hefur hún hljóðritað fjölda platna í eigin nafni. Það á meðal hljóðritaði hún 24 íslensk jazzsönglög á plötunni „Hvar er tunglið“ sem kom út árið 2006 og inniheldur tónlist Sigurðar Flosasonar við ljóð Aðalsteins Ásbergs Sigurðssonar.

Hún syngur reglulega með Stórsveit Reykjavíkur og hefur unnið meðal annars með stjórnendunum á borð við Daniel Nolgard og Ole Kock Hansen. Hún hefur haldið tónleika víða erlendis meðal annars í Evrópu, Japan og Bandaríkjunum. Kristjana hefur í seinni tíð unnið meira með frumsamda tónlist og útsetningar auk þess að starfa við upptökustjórn á söng. Kristjana hefur starfað sem tónlistarstjóri og útsetjari fyrir Borgarleikhúsið í nokkur ár.

Kristjana hefur nokkrum sinnum verið tilnefnd til Íslensku tónlistarverðlaunanna fyrir plötur sínar. Árið 2009 hlaut hún Grímuverðlaunin ásamt kollegum sínum fyrir sýninguna Jesú litla og var einnig tilnefnd til fyrir tónlist sína og söng í sýningunni.

Útgefið efni[breyta | breyta frumkóða]

Tenglar[breyta | breyta frumkóða]