King Crimson

King Crimson (1974).

King Crimson er ensk hljómsveit sem spilaði tilraunakennt og framsækið rokk. Sveitin var stofnuð árið 1968 og fór gítarleikarinn Robert Fripp fyrir henni. Ýmsar mannabreytingar voru í sveitinni utan Fripps. King Crimson hefur verið starfrækt með hléum: 1968–1974, 1981–1984, 1994–2008, 2013–2021 og frá 2025.

Sveitin blandar meðal annars jazzi, klassík, þjóðlagatónlist við rokk og notaðist við ýmis hljóðfæri eins og: Saxófón, fiðlu, mellotron hljómborð, flautu, ýmis konar ásláttarhljóðfæri og hljóðgervil. Þekktasta verk Crimson er fyrsta plata þeirra: In the Court of the Crimson King.

Alls hafa skipað á þriðja tug manna King Crimson og fjölmargir komu að auki við sögu á plötum sveitarinnar, helst má nefna: Greg Lake, Keith Tippett, Jon Anderson, Ian McDonald, Mel Collins, Boz Burrell, Bill Bruford, John Wetton, David Cross, Jamie Muir, Tony Levin og Adrian Belew. Peter Sinfield var textasmiður á fyrstu 4 plötum Crimson.

Sveitin virtist hafa lagt upp laupana árið 2021. En árið 2025 bárust fréttir af því að sveitin væri að taka upp nýtt efni.

Breiðskífur

• In the Court of the Crimson King (1969)
• In the Wake of Poseidon (1970)
• Lizard (1970)
• Islands (1971)
• Larks' Tongues in Aspic (1973)
• Starless and Bible Black (1974)
• Red (1974)
• Discipline (1981)
• Beat (1982)
• Three of a Perfect Pair (1984)
• THRAK (1995)
• The ConstruKction of Light (2000)
• The Power to Believe (2003)

Tengill

• King Crimson á Allmusic