„Eskifjörður“: Munur á milli breytinga
mEkkert breytingarágrip |
mynd |
||
Lína 1: | Lína 1: | ||
{{staður á Íslandi|staður=Eskifjörður|vinstri=175|ofan=61}} |
{{staður á Íslandi|staður=Eskifjörður|vinstri=175|ofan=61}} |
||
{{CommonsCat|Eskifjörður}} |
{{CommonsCat|Eskifjörður}} |
||
[[Mynd:Eskifjörður1.jpg|thumbnail]] |
|||
'''Eskifjörður''' er bær á norðurströnd samnefnds fjarðar sem liggur út frá [[Reyðarfjörður|Reyðarfirði]] norðanverðum. Íbúar Eskifjarðar voru 1043 þann 1. janúar 2013 og hefur íbúatalan haldist nokkuð stöðug síðustu árin. |
'''Eskifjörður''' er bær á norðurströnd samnefnds fjarðar sem liggur út frá [[Reyðarfjörður|Reyðarfirði]] norðanverðum. Íbúar Eskifjarðar voru 1043 þann 1. janúar 2013 og hefur íbúatalan haldist nokkuð stöðug síðustu árin. |
||
Útgáfa síðunnar 27. október 2015 kl. 21:32
Eskifjörður er bær á norðurströnd samnefnds fjarðar sem liggur út frá Reyðarfirði norðanverðum. Íbúar Eskifjarðar voru 1043 þann 1. janúar 2013 og hefur íbúatalan haldist nokkuð stöðug síðustu árin.
Eskifjörður var verslunarstaður fyrr á öldum og var einn hinna sex staða á Íslandi, sem fengu kaupstaðarréttindi árið 1786 við afnám einokunarverslunarinnar, en missti þau aftur síðar. Árið 1798 reisti danska verslunarfyrirtækið Örum og Wulff verslunarhús í Útkaupstað, sem svo er kallaður, og hóf þar verslun. Það var þó ekki fyrr en Norðmenn hófu síldveiðar við Ísland á síðari hluta 19. aldar sem íbúum tók að fjölga verulega og árið 1902 voru íbúarnir orðnir 228.
Á Eskifirði er Steinasafn Sigurborgar og Sörens
Aðalatvinnuvegur íbúa Eskifjarðar er sjávarútvegur og fiskvinnsla en verslun og þjónusta eru einnig mikilvægar atvinnugreinar. Á Eskifirði er Sjóminjasafn Austurlands í gömlu húsi sem Örum og Wulff byggðu um 1816 og þar má sjá minjar um sjósókn á Austfjörðum og byggðasögu og atvinnulíf á Eskifirði. Aðsetur sýslumannsembættis Suður-Múlasýslu var flutt til Eskifjarðar 1853 og þar er miðstöð löggæslu á Austurlandi.
Byggðin var gerð að sérstökum hreppi, Eskifjarðarhreppi, árið 1907 en hafði fram að því tilheyrt Reyðarfjarðarhreppi. Hreppurinn fékk kaupstaðarréttindi á ný 22. apríl 1974. Hinn 1. janúar 1988 sameinaðist Helgustaðahreppur Eskifirði. Hinn 7. júní 1998 sameinaðist Eskifjarðarkaupstaður Reyðarfjarðarhreppi á ný og Neskaupstað að auki undir nafninu Fjarðabyggð.
Heimildir
Á árunum 1971 til 1986 kom úr fimm binda ritverk Einars Braga skálds, sem kallast Eskja.
Tenglar
- www.eskifjordur.is - Upplýsingasíða um sögu Eskifjarðar
- www.eskifjordur.com - Upplýsingasíða um allt í kringum Eskifjörð
- www.facebook.com/eskifjordur - Eskifjörður á Facebook.