Samningur um stjórnarskrá fyrir Evrópu

Samningur um stjórnarskrá fyrir Evrópu, oftast þekktur einfaldlega sem Stjórnarskrá Evrópusambandsins, er þjóðréttarsamningur sem undirritaður var árið 2004 og bíður nú staðfestingar allra aðildarríkja. Samningurinn hefur það að markmiði að koma á stjórnarskrá fyrir Evrópusambandið sem á að leysa af hólmi fjölda eldri samninga sem að í núna mynda lagagrundvöll sambandsins og einfalda ákvarðanatökuferlið innan þess en sambandið samanstendur nú af 25 ríkjum. Þrátt fyrir nafngiftina tekur stjórnarskráin aðeins til aðildarríkja ESB en ekki allrar Evrópu.