KFUM og KFUK

KFUM og KFUK (Kristileg félög ungra manna og kvenna einnig stytt KFUM og K) eru kristin æskulýðssamtök, stofnuð árið 1844 í London af George Williams. Samtökin eru ein þau elstu og útbreiddustu af slíku tagi í heiminum með félög í yfir hundrað löndum.

Ísland

KFUM á Íslandi var stofnað í Reykjavík 2. janúar árið 1899 af séra Friðriki Friðrikssyni sem hafði kynnst samtökunum í Kaupmannahöfn. 29. apríl sama ár var KFUK stofnað. Félagið rekur sumarbúðir fyrir börn í Vatnaskógi, Vindáshlíð, Kaldárseli, Ölveri og við Hólavatn.

Hvað er KFUM og KFUK?

KFUM og KFUK er frjáls félagasamtök sem standa á sama grunni og evangelísk-lútherska þjóðkirkjan á Íslandi. Þau vilja starfa innan kirkjunnar og með kirkjunni, en eru þó sjálfstæð og lúta eigin stjórn. Með starfi sínu vilja þau vera þátttakendur í skírnarfræðslu kirkjunnar og styðja foreldra í trúarlegri mótun barna sinna.

Starf KFUM og KFUK er umfangsmikið og fjölbreytt:

Á veturna fer fram barna- og unglingastarf í um 40 deildum víða um land sem halda fundi einu sinni í viku. Íþróttamót og hátíðir eru fastur liður í starfinu ásamt styttri og lengri vettvangsferðum.

Á sumrin taka við sumarbúðir sem KFUM og KFUK reka á fimm stöðum á landinu og leikjanámskeið sem haldin eru í Reykjavík og Kópavogi.

Fullorðinsstarf er mikilvægur þáttur félagsstarfs KFUM og KFUK , samkomur, fræðandi og uppbyggilegir fundir, námskeiðahald, helgarsamverur í sumarbúðum félagsins og fleira.

Leikskólinn Vinagarður er kristilegur leikskóli, staðsettur í Laugardalnum í Reykjavík. Leikskólinn er einkaskóli og rekinn af KFUM og KFUK á Íslandi.

Markmið KFUM og KFUK

KFUM og KFUK er æskulýðshreyfing sem hefur að markmiði að vekja trú á Krist og kalla til þjónustu í ríki hans, efla trúarlíf og siðferðiskennd og hlynna að andlegri, líkamlegri og félagslegri velferð einstaklingsins.

Þríhyrningurinn í merki félaganna undirstrikar þetta, en hliðar hans tákna líkama, sál og anda.

Aðferðafræðin er aðferð Jesú Krists: Að mæta hverri manneskju af umhyggju, kærleika og virðingu.

Ágrip af sögu KFUM og KFUK á Íslandi 1899 - 1999

1899 KFUM starf fyrir drengi var stofnað 2. janúar í Framfarafélagshúsinu við Vesturgötu 51. Fyrsti drengjafundurinn var haldinn í Hegningarhúsinu við Skólavörðustíg. KFUK starf fyrir stúlkur var stofnað 29. apríl í Hegningarhúsinu við Skólavörðustíg.

1901 KFUM var stofnað í Keflavík og Ytri-Njarðvík KFUM keypti Melsteðshús Lækjargötu 2 í Reykjavík.

1902 Aðaldeild KFUM var stofnuð í Melsteðshúsi 2. janúar. Fyrsta stjórn KFUM var mynduð og fyrstu lög félagsins samþykkt.

1903 Sunnudagaskóli KFUM var stofnaður í Melsteðshúsi 8. mars. Almennar samkomur hófust í Melsteðshúsi

1904 Melsteðshús var selt.

1906 Byrjað var að halda saumafundi í KFUK Stjórnarnefnd var kosin í KFUK og samþykkt fyrstu lög félagsins. Keypt var lóðin við Amtmannssíg 2b og bygging félagsheimilis hafin um vorið.

1907 Hús KFUM og KFUK við Amtmannssíg 2b var vígt 28. mars.

1908 Fyrsta stjórn KFUK var valin af sr. Friðrik í lok nóvember til að koma skipulagi á starf félagsins.

1909 Stjórn KFUK var kosin af félagskonum í fyrsta sinn í 5. febrúar. Basar KFUK var haldinn í fyrsta sinn 11. desember.

1910 Ingibjörg Ólafsson var ráðin framkvæmdastjóri KFUK

1911 KFUK og KFUK var stofnað í Hafnarfirði Knattspyrnufélagið Valur var stofnað í Reykjavík KFUM starf hófst á Akranesi

1912 Sjúkrasjóður KFUK var stofnaður Jarðræktarflokkur KFUM byrjaði starfsemi í Laugarnesi.

1913 Skátafélag KFUM, Væringjar hóf starf

1917 Byggingarsjóður KFUM og KFUK var stofnaður

1918 KFUM í Hafnarfirði keypti húsið Bristol við Suðurgötu 24

1919 KFUM var stofnað á Þingeyri (starfaði 1919-1936)

1920 Væringjar reistu skátaskála í Lækjarbotnum

1921 Sumarbúðasjóður var stofnaður vegna Kaldársels Kvöldskóli KFUM hóf reglulega starfsemi

1922 Skátadeild KFUK var stofnuð í Reykjavík

1923 Sumarstarfið hófst í Vatnaskógi KFUM var stofnað á Sauðárkróki

1924 KFUM var stofnað í Vestmannaeyjum

1925 Skálinn í Kaldárseli var vígður 25. júní

1928 Hús KFUM og KFUK við Hverfisgötu 15 í Hafnarfirði var vígt 16. desember.

1929 Skógarmannaflokkur KFUM og Skálasjóður voru stofnaðir

1931 Knattspyrnufélagið Haukar var stofna innan KFUM í Hafnarfirði

1932 KFUM var stofnað í Hnífsdal

1933 KFUM var stofnað á Ísafirði

1938 Sumarstarf KFUK í Straumi hófst (starfaði 1938-1942)

1939 Sumarstarf KFUK í Reykjavík og Skálasjóður var stofnað

1940 Kristrún Ólafsdóttir á Akranesi hóf sumarstarf fyrir stúlkur í Skátafelli við Akrafjall

1941 Kristniboðsflokkur KFUK var stofnaður

1942 Æskulýðsstarf hófst í Laugarnesi (í Drengjaborg) Salur KFUM í Frón Vesturgötu 35 á Akranesi var vígður 17. nóvember

1943 Gamli skáli í Vatnaskógi var vígður 1. ágúst

1945 Sumarbúðir í Króki í Vestmannaeyjum voru vígðar Sumarstarf KFUK hófst í Botnsdal

1946 Skógrækt hófst í Vatnaskógi

1947 Sumarstarf KFUK hófst í Vindáshlíð (í tjöldum)

1949 Fyrsta stjórn sumarstarfs KFUK í Reykjavík var skipuð Skálinn í Vindáshlíð var reistur Kapellan í Vatnaskógi var vígð

1950 Barnasamkomur KFUM hófust í Kópavogi (í Barnaskóla Kópavogs)

1951 Barnasamkomur hófust í Fossvogskirkju (undanfari starfs í Langagerði)

1952 Sumarbúðastarf hófst í Ölveri

1953 Landssamband KFUM var stofnað 4. janúar Félagsheimili KFUM og KFUK við Kirkjuteig 33 var vígt 3. maí Drengjaborg var flutt úr Laugarnesi að Langagerði 1

1954 Æskulýðsstarf hófst í Langagerði (í Drengjaborg) Skógarmannafundir hófust í Keflavík

1957 Hallgrímskirkja í Saurbæ á Hvalfjarðarströnd var flutt í Vindáshlíð

1959 Hallgrímskirkja í Vindáshlíð var endurvígð 16. ágúst

1960 Styttan af sr. Friðrik Friðrikssyni var sett upp í Vatnaskógi

1962 KFUM og KFUK í Reykjavík keyptu félagsheimilið við Holtaveg Æskulýðsstarf hófst á Holtavegi

1965 Sumarbúðirnar á Hólavatni voru vígðar 20. júní

1969 Barnasamkomur KFUM og KFUK hófust í vinnuskála við Þórufell

1970 Leikja/íþróttakvöld UD hófust á Holtavegi (á sumrin)

1971 Æskulýðsstarf hófst á Seltjarnarnesi Æskulýðsstarf hófst í Garðahverfi (Garðabæ) Gullfossferð YD KFUM var farin 9. maí

1972 Félagshús KFUM og KFUK við Maríubakka var tekið í notkun

1973 UD starf hófst í Fellahelli í Breiðholti

1974 Félagsheimili KFUM og KFUK við Lyngheiði 21 í Kópavogi var tekið í notkun 23. nóvember

1975 Leikskóli KFUM og KFUK var stofnaður í Langagerði 1

1977 Fyrsti áfangi félagshúss við Garðabraut 1 á Akranesi var vígður 6. febrúar Bókaútgáfan Salt (að hluta í eigu KFUM og KFUK) byrjaði starfsemi Æskulýðsstarf hófst í Lundarskóla á Akureyri Æskulýðsstarf hófst í Sandgerði

1978 Flugleiðaferð YD KFUM og KFUK Landssamband KFUM og KFUK var stofnað 9. september Æskulýðsstarf hófst í Glerárskóla á Akureyri

1981 KFUM og KFUK keyptu félagsheimilið að Hátúni 36 í Keflavík

1982 Æskulýðsstarf hófst í Seljahverfi í Breiðholti

1984 Félagsheimili KFUM og KFUK í Keflavík var vígt 29. janúar

1985 Félagsheimili KFUM og KFUK í Sunnuhlíð á Akureyri var vígt 17. mars

1987 KFUM og KFUK á Akranesi var sameinað í eitt félag

1989 Sæludagar um verslunarmannahelgi voru haldnir í fyrsta sinn í Vatnaskógi Félagsheimili KFUM og KFUK við Suðurhóla í Reykjavík var vígt 7. september

1990 Hús KFUM og KFUK við Amtmannsstíg 2B í Reykjavík var afhent nýjum eigendum Félagsheimili KFUM og KFUK við Holtaveg var breytt í skrifstofuhúsnæði Unglingaflokkur í Vatnaskógi fyrir stráka og stelpur haldinn í fyrsta sinn

1991 TenSing starf hófst í KFUM og KFUK i Reykjavík Framkvæmdir hófust við nýtt félagshús KFUM og KFUK við Holtaveg

1992 Hitaveita kom í Vatnaskóg Forseti Íslands Vigdís Finnbogadóttir heimsótti Vatnaskóg Fermingarnámskei hófust í Vatnaskógi

1993 Bænastundir hófust í Loftstofunni, Austurstræti 20 í Reykjavík Friðrikskapella á Íþróttasvæði Vals Hlíðarenda var vígð 25. maí

1994 Biblíuskólinn við Holtaveg hóf starfsemi (að hluta í eigu KFUM og KFUK) Feðgahelgi var haldin í fyrsta sinn í Vatnaskógi Félagsheimili KFUM og KFUK við Holtaveg var vígt 25. september Miðbæjarstarf KFUM og KFUK í Austurstræti 20 hófst

1995 Æskulýðsstarf KFUM og KFUK hófst á Kópaskeri Dagskrá fyrir leikskóla var í fyrsta sinn í Vatnaskógi Félagshús KFUM og KFUK við Lyngheiði 21 í Kópavogi var selt

1996 Landssamband KFUM og KFUK varð fullgildur aðili að Evrópusambandi KFUM Starf Skógarvina KFUM hófst

1997 Mæðgnahelgar byrjuðu í Ölveri KFUM og KFUK opnuðu fyrstu heimasíðuna

1998 Miðborgarprestur KFUM og KFUK hóf starf Æskulýðsstarf KFUM og KFUK hófst á Skagaströnd Æskulýðsstarf KFUM og KFUK hófst á Grundarfirði Æskulýðsstarf KFUM og KFUK hófst á Hvammstanga

1999 Perluhátíð æskulýðsstarfs KFUM og KFUK í Reykjavík Vetrarflokkur var haldinn í fyrsta sinn í Vatnaskógi Almenna mótið í Vatnaskógi var sameinað Sæludögum Mæðgnahelgi var haldin í fyrsta sinn í Vindáshlíð

Tenglar

• Vefur KFUM og KFUK á Íslandi
• Vefur alþjóðasamtakanna YMCA

  Þessi trúarbragðagrein er stubbur. Þú getur hjálpað til með því að bæta við greinina.