Jólatré

Jólatré er skrauttré sem eru notuð á jólum. Uppruna sinn á jólatréið sennilega að rekja til jólasiða fyrir kristna tíð.

Ísland

Á Íslandi hafa nordmannsþinur (sem er innflutt frá Danmörku), sitka-, blá- og rauðgreni, stafafura gjarnan verið notuð sem jólatré. Fjallaþinur gæti komið í stað nordmannsþins með ræktun á Íslandi.

Þann 21. desember árið 1952 var kveikt á stóru jólatréi á Austurvelli, sem var gjöf frá Óslóarbúum til Reykvíkinga og var það fastur siður árlega til ársins 2015.

Á seinni árum hefur tréð verið fellt í Heiðmörk utan Reykjavíkur.

Í endurminningum sínum segir Árni Thorsteinsson tónskáld frá jólatré fjölskyldu sinnar um 1880:

Grenitré fluttust ekki almennt inn fyrr en löngu síðar, og var jólatréð okkar heimatilbúið eins og algengt var á þessum árum. Var það búið til úr langri stöng eða spíru, sem í voru felldir nokkrir pinnar, er kertin voru látin standa á. Síðan var það málað grænt og loks skreytt með lyngi um hver jól. Eftir jólin var það svo látið upp á háaloft, og þar lá það svipt öllu skrauti til næstu jóla.