Ion Iliescu
| Ion Iliescu | |
|---|---|
.jpg) Ion Iliescu árið 2004. | |
| Forseti Rúmeníu | |
| Í embætti 26. desember 1989 – 29. nóvember 1996 | |
| Forsætisráðherra | Petre Roman Theodor Stolojan Nicolae Văcăroiu |
| Forveri | Nicolae Ceaușescu |
| Eftirmaður | Emil Constantinescu |
| Í embætti 20. desember 2000 – 20. desember 2004 | |
| Forsætisráðherra | Mugur Isărescu Adrian Năstase |
| Forveri | Emil Constantinescu |
| Eftirmaður | Traian Băsescu |
| Persónulegar upplýsingar | |
| Fæddur | 3. mars 1930 Oltenița, Călărași-sýslu, Rúmeníu |
| Þjóðerni | Rúmenskur |
| Stjórnmálaflokkur | Jafnaðarmannaflokkurinn (1996–) Kommúnistaflokkur Rúmeníu (1953–1989) |
| Maki | Nina Iliescu (g. 1951) |
| Háskóli | Fjöltækniháskólinn í Búkarest Ríkisháskólinn í Moskvu |
| Undirskrift |  |
Ion Iliescu (fæddur 3. mars 1930) er rúmenskur stjórnmálamaður. Hann var forseti Rúmeníu í tvígang, fyrst frá 1989 til 1996 í kjölfar rúmensku byltingarinnar og síðan í annað kjörtímabil frá 2000 til 2004.
Iliescu er fyrrum meðlimur í Kommúnistaflokki Rúmeníu og gegndi ýmsum embættum í kommúnistastjórn landsins á valdatíð Nicolae Ceaușescu. Iliescu var á tímabili álitinn mögulegur eftirmaður Ceaușescu sem leiðtogi kommúnistastjórnarinnar en hann féll síðar í ónáð hjá stjórninni.[1] Hann náði að hreppa völdin þegar Ceaușescu var steypt af stóli árið 1989 og varð fyrsti forseti Rúmeníu eftir kommúnistatímann.[2]
Iliescu tapaði endurkjöri á móti Emil Constantinescu í forsetakosningum árið 1996.[3] Iliescu komst aftur til valda eftir kosningar árið 2000 og sat sem forseti til ársins 2004.[4]
Hlutverk Iliescu í eftirleik byltingarinnar 1989 hefur verið umdeilt í seinni tíð. Árið 2019 ákærði ríkissaksóknari Rúmeníu Iliescu fyrir glæpi gegn mannúð og sakaði hann um að hafa nýtt sér ríkisfjölmiðla landsins til að dreifa vísvitandi röngum upplýsingum og vekja ótta við hryðjuverk. Þannig hefði hann verið valdur að „frændvígum, stjórnlausri skothríð og misvísandi hernaðarfyrirmælum,“ en í upplausnarástandi sem ríkti fyrstu fimm dagana eftir valdatöku Iliescu árið 1989 voru 862 manneskjur drepnar og þúsundir særðust.[4] Árið 2020 hafnaði dómari ákærunni gegn Iliescu vegna formgalla.[5][6] Eftir aðra ákæru ákvað áfrýjunardómstóll árið 2023 að réttarhöld yfir Iliescu mættu hefjast.[7]
Tilvísanir
[breyta | breyta frumkóða]- ↑ Anna Bjarnadóttir (24. júní 1990). „Er Iliescu fasisti í kommúnistaklæðum?“. Morgunblaðið. bls. 4.
- ↑ „Hallar undan fæti hjá Iliescu“. Morgunblaðið. 13. nóvember 1996. Sótt 28. nóvember 2021.
- ↑ Ásgeir Sverrisson (24. nóvember 1996). „Kyrrstaðan rofin í Rúmeníu“. Morgunblaðið. bls. 6.
- ↑ 4,0 4,1 Ævar Örn Jósepsson (9. apríl 2019). „Iliescu ákærður fyrir glæpi gegn mannkyni“. RÚV. Sótt 28. nóvember 2021.
- ↑ „Dosarul "Revoluției". Ion Iliescu este, oficial, urmărit penal pentru infracțiuni contra umanității“ (rúmenska). Știrile Pro TV. 17 apríl 2018. Afrit af uppruna á 18 apríl 2018.
- ↑ „Dosarul Revoluției, în care Ion Iliescu e acuzat de infracțiuni împotriva umanității, a fost restituit de ÎCCJ la Parchetul Militar“. www.digi24.ro (rúmenska). 22. júní 2020. tölublað. Sótt 28. nóvember 2021.
- ↑ „Procesul împotriva lui Ion Iliescu, acuzat de „infracţiuni contra umanităţii" în Dosarul Revoluției, poate începe (Curtea de Apel)“. www.digi24.ro (rúmenska). 25 október 2023. Sótt 13. desember 2023.
| Fyrirrennari: Nicolae Ceaușescu |
|
Eftirmaður: Emil Constantinescu | |||
| Fyrirrennari: Emil Constantinescu |
|
Eftirmaður: Traian Băsescu | |||
Þetta æviágrip sem tengist stjórnmálum er stubbur. Þú getur hjálpað til með því að bæta við greinina.