Hof í Hjaltadal
Hof er bær í Hjaltadal í Skagafirði, landnámsjörð Hjalta Þórðarsonar að sögn Landnámabókar, og þar segir líka að á Hofi hafi verið hin fjölmennasta og ágætasta erfidrykkja á landinu, sem synir Hjalta héldu eftir föður sinni.[1]
Á Hofi er mikið af fornminjum sem ekki hafa verið rannsakaðar svo neinu nemi en svo virðist sem þar hafi verið stórbýli en búseta hafi lagst þar af á 11. öld og bærinn fluttur í Hóla, sem eru örskammt frá Hofi. Byggð virðist hafa verið stopul á Hofi allt til 1827 en þá var reist þar hjáleiga frá Hólum.[2]
Bærinn stendur á háum hól og segir sagan að þar hafi virki Hjaltasona verið.[2]
Heimildir
[breyta | breyta frumkóða]- Landið þitt Ísland - Bindi H-K bls 86- Þorsteinn Jósepsson og Steindór Steindórsson
Tilvísanir
[breyta | breyta frumkóða]- ↑ „Hof í Hjaltadal - NAT ferðavísir“. NAT ferðavísir. 4 maí 2020. Afrit af upprunalegu geymt þann 10. september 2024. Sótt 28 júlí 2025.
- 1 2 Katrín Gunnarsdóttir (apríl 2000). „Hof í Hjaltadal: Fornleifaskráning“ (PDF). Byggðasafn Skagfirðinga. bls. 3, 5.