Haraldur Hamar Thorsteinsson

Haraldur Hamar Thorsteinsson (20. febrúar 1892 – 23. nóvember 1957) var rithöfundur og sonur Steingríms Thorsteinssonar. Stúdent í Reykjavík 1913. Stundaði nám í fagurfræði við háskólann í Kaupmannahöfn 1913-1914^[1]. Þar tók hann upp skáldanafnið Hamar. Hann fór frá kaupmannahöfn til London og stundaði þar nám við kvikmyndahandritun^[2]. Á árunum í London skrifaði Haraldur nokkur leikrit og þrátt fyrir mikla trú Íslendinga á ágæti Haralds voru leikritin aldrei sett upp^[2]. Mikið var um fréttir af Haraldi í íslenskum dagblöðum fyrst eftir að hann fór út til náms, enda var hann vonarstjarna Íslands þegar kom að ritverkum. Áhuginn fjaraði þó út þegar á leið þriðja áratuginn, þar sem Haraldur stóð ekki undir væntingum landa sinna^[2]. Haraldur komst þó í kynni við Bloomsbury-hópinn, sem saman stóð af listamönnum í London, þar á meðal T. S. Eliot. Þar voru frjálslyndum hugmyndum um kyn og kynhneigðir haldið uppi^[2]. Einhvern tímann á árunum 1927-1929 fór systir Haralds, Steinunn Thorsteinsson út til London og sótti hann. Þá bjó Haraldur í fátækrabæli í London. Hann hafði verið mjög drykkfeldur um áraskeið og lítið haft upp úr listinni ,ásamt því að hafa glímt við geðveiki^[2].

Haraldur átti heima í Reykjavík til dauðadags, en hann lést þegar hann varð fyrir bíl árið 1957. Haraldur kvæntist aldrei, en sögusögnum um kynhneigð hans hafa verið haldið uppi. Margir hverjir héldu því fram að Haraldur væri samkynhneigður, en ekki er vitað hvort þær sögur fóru af stað eftir dauða hans eða á meðan hann lifði^[2]. Sú saga hefur fylgt minningu Haralds um að hann hefði verið vanaður eftir að hann kom heim frá Englandi. Sögurnar af þessu bera ekki allar saman, enda geymst lengst af í munnmælum og ólíklegt að þær reynist sannar^[2].

Fréttir af skáldfrægð

Ýmsar fréttir bárust af skáldfrægð Haraldar Hamars til Íslands. Í tímaritinu Ísafold sem og í Morgunblaðinu birtist árið 1920 þessi grein:

Haraldur Hamar, sonur Steingríms heitins Thorsteinson hefir dvalið í London um margra ára skeið. Nýlega hefir hann lokið við samning leikrits eins er hann nefnir The Black River (Svarta áin) og hefir góðar vonir um, að það verði tekið til leiks bráðlega af einu leikhúsinu í London. Eru þetta góð tíðindi og vonandi að honum takist að vinna sér heiður með ritinu.

Tenglar

Þetta æviágrip er stubbur. Þú getur hjálpað til með því að bæta við greinina.

↑ Finnbogi Guðmundsson (10. desember 1989). Aðeins grátur hafsins í kjölfarinu. Lesbók Morgunblaðsins. bls. 40-41.
1 2 3 4 5 6 7 Hafdís Erla Hafsteinsdóttir (Haustrit 2024). Innan norms og utan. Systkinin Steinunn Thorsteinsson og Haraldur Hamar. Saga: Tímarit sögufélagsins.

[1] Finnbogi Guðmundsson (10. desember 1989). Aðeins grátur hafsins í kjölfarinu. Lesbók Morgunblaðsins. bls. 40-41.

[:0-2] 1 2 3 4 5 6 7 Hafdís Erla Hafsteinsdóttir (Haustrit 2024). Innan norms og utan. Systkinin Steinunn Thorsteinsson og Haraldur Hamar. Saga: Tímarit sögufélagsins.

[1]

[2]