Halldór Baldursson

Halldór Baldursson
Fæddur	12. september 1965 (1965-09-12)
Maki	Hlíf Una Báru­dótt­ir (g. 2018)

Halldór Kristján Baldursson (f. 12. september 1965) er íslenskur teiknari.

Hann hefur verið einn af forvígismönnum teiknimyndasögublaðsins GISP og kennt myndskreytingu við Listaháskóla Íslands. Hann hefur og myndskreytt fjölda bóka og auglýsinga. Halldór er með meistaragráðu í listkennslufræðum frá Listaháskóla Íslands og var meistaraverkefni hans gefið út sem bók og bar titilinn Hvað nú? - myndasaga um menntun.

Skopmyndir hans um íslenskt þjóðlíf hafa birst í Viðskiptablaðinu um árabil og frá 2005 einnig í Blaðinu, sem síðar var endurnefnt 24 stundir. Eftir að 24 stundir voru lagðar niður í kjölfar bankahrunsins 2008 flutti Halldór sig um set yfir á Morgunblaðið, en var svo ráðinn til Fréttablaðsins í mars 2010.

Árið 2006 kom út bókin Í grófum dráttum með skopteikningum Halldórs.

Meðal bóka sem Halldór hefur myndskreytt er bókaflokkurinn um Fíusól og fleiri verk eftir Kristínu Helgu Gunnarsdóttur, Bessastaða-bækurnar og fleiri bækur eftir Gerði Kristnýju, þjóðsagnasafnið Köttur út í mýri og fleiri bækur með þjóðlegu efni, Sagan af húfunni fínu og fleiri sögur eftir Sjón, Ljótasti fiskur í heimi og fleiri bækur eftir Árna Árnason, Allir með strætó og fleiri bækur eftir Guðberg Bergsson, Djúpríkið eftir Bubba Morthens og Robert Jackson.

Ytri hlekkir

• Halldór Baldursson Geymt 10 febrúar 2007 í Wayback Machine
• Blogg Halldórs

  Þetta æviágrip er stubbur. Þú getur hjálpað til með því að bæta við greinina.