Gjögur
Gjögur er fornfræg veiðistöð í Árneshreppi á Ströndum á Vestfjörðum og þar var vísir að þorpi á 20. öld. Nú býr þar enginn lengur allt árið, en nokkuð er um að fólk hafi þar sumardvöl.
Gjögur er utan við Sætrafjall á Reykjanesi, milli Trékyllisvíkur og Reykjarfjarðar. Þar var fræg hákarlaveiðistöð á síðustu öld og margir voru þar í verbúðum yfir veiðitímabilið.[1] Gengu þá oft þaðan 15–18 opin skip til hákarlaveiða samtímis og voru 7–11 menn á hverju skipi. Upphaflega voru tvær hákarlaveiðistöðvar í Strandasýslu, Gjögur og Skreflur, og um aldamótin 1800 gengu 3 eða 4 skip út frá hverri. Skipin voru sexæringar. Hætt var seinna að róa í Skreflum.
Við Gjögur er bryggja og flugvöllur og þar hefur verið sjálfvirk veðurathugunarstöð síðan 1994.
„Gjögur“ merkir skarð milli sjávarhamra, hellisskúti, hamradrangar sem skaga í sjó fram. Upprunaleg merking -vik inn í sjávarkletta. Af orðinu er takmarkaðar samsvaranir í nálægustu skyldmálum.
Tilvísanir
[breyta | breyta frumkóða]- ↑ Þorsteinn Matthíasson: Man ég það sem löngu leið: Að skoða heiminn (útvarpsþáttur). RÚV, 3. júlí 1984.
Þessi Íslandsgrein sem tengist landafræði er stubbur. Þú getur hjálpað til með því að bæta við greinina.