Gin

Bee's Knees kokteill gerður með gini, hunangi og sítrónusafa.

Gin er brennt vín sem er bragðbætt með einiberjum og fleiri kryddjurtum. Það á rætur sínar að rekja til miðalda, úr heimi grasalækninga, en er núna framleitt sem áfengi. Í upphafi var gin selt í apótekum og var notað til lækninga. Gin er byggt á eldra brenndu víni sem nefnist sénever og var fundið upp í Hollandi.

Gin varð vinsælt í Bretlandi þegar Vilhjálmur 3., leiðtogi Hollenska lýðveldisins, varð Englandskonungur árið 1689. Orðið gin á uppruna sinn í franska orðinu genièvre, hollenska orðinu jenever og ítalska orðinu ginepro, sem þýða öll „einiber“.

Oftast er gin drukkið með tónik og skreytt með límónu eða agúrku.

Tilvísanir

  Þessi matar eða drykkjargrein er stubbur. Þú getur hjálpað til með því að bæta við greinina.