Gary Oldman
Sir Gary Oldman | |
|---|---|
 Gary Oldman árið 2011. | |
| Upplýsingar | |
| Fæddur | Gary Leonard Oldman 21. mars 1958 |
| Ár virkur | 1979 - nú |
| Maki | Lesley Manville (1987-1990) Uma Thurman (1990-1992) Donya Fiorentino (1997-2001) Alexandra Edenborough (2008-2015) Gisele Schmidt (2017-) |
| Helstu hlutverk | |
| Gordon í The Dark Knight Rises George Smiley í Tinker Tailor Soldier Spy Winston Churchill í Darkest Hour Dracula í Bram Stoker's Dracula | |
| Óskarsverðlaun | |
| Besti leikari 2018 Darkest Hour | |
| Golden Globe-verðlaun | |
| Besti leikari (drama) 2018 Darkest Hour | |
| Screen Actors Guild-verðlaun | |
| Besti leikari 2018 Darkest Hour Besti leikarahópur 1995 Apollo 13 | |
Sir Gary Leonard Oldman (f. 21. mars 1958) er enskur leikari. Hann er þekktur fyrir fjölhæfni og ákafan leikstíl og hefur unnið fjölda verðlauna, meðal annars Óskarsverðlaun, Golden Globe-verðlaun, þrenn BAFTA-verðlaun auk þess sem hann hefur þrisvar verið tilnefndur til Primetime Emmy-verðlauna. Myndir hans hafa halað inn rúmlega 11 milljörðum bandaríkjadala á heimsvísu, sem gerir Oldman að einum tekjuhæsta leikara allra tíma.[1]
Oldman hóf feril í leiklist í leikhúsum árið 1979 og birtist fyrst á hvíta tjaldinu í myndinni Remembrance (1982). Hann birtist í sýningum Royal Court Theatre í London, var leikari hjá Konunglega Shakespeare-félaginu og birtist meðal annars í uppsetningum á Kabarett, Rómeó og Júlíu, Heimilisvininum, Hjálp og Hamlet. Oldman varð þekktur kvikmyndaleikari í Bretlandi fyrir að leika Sid Vicious í Sid og Nancy (1986), Joe Orton í Prick Up Your Ears (1987) og Rósinkrans í Fallinn Rósinkrans og Gullinstjarna (1990). Á níunda og tíunda áratugnum var Oldman í hópi ungra breskra sem náðu að hasla sér völl í Hollywood-myndum.[2] Hann náði frekari frægð með því að leika bandarískan glæpon í Í ljótum leik (1990), Lee Harvey Oswald í JFK (1991) og Drakúla greifa í Drakúla (1992).
Oldman lék illmenni í myndum á borð við Sönn ást (1993), Léon (1994), Fimmta frumefnið (1997), Forsetavélin (1997) og Frambjóðandinn (2000). Oldman hefur einnig tekið að sér hlutverk í kvikmyndaröðum, meðal annars sem Sirius Black í Harry Potter-myndunum (2004–2011), sem Gordon lögreglustjóri í þríleik Christophers Nolan um Leðurblökumanninn (2005–2012), Shen lávarður í Kung Fu Panda 2 og Dreyfus í Dögun Apaplánetunnar (2014). Hann vann Óskarsverðlaun sem besti leikari í aðalhlutverki fyrir að leika Winston Churchill í myndinni Ögurstund (2017). Hann hefur jafnframt verið tilnefndur til Óskarsverðlauna fyrir hlutverk sitt sem njósnarinn George Smiley í spennumyndinni Tinker Tailor Soldier Spy (2011) og handritshöfundinn Herman J. Mankiewicz í dramamyndinni Mank (2020).
Oldman skrifaði jafnframt og leikstýrði kvikmyndinni Á köldum klaka (1997). Hann lék aðalhlutverkið í sjónvarpsmyndinni The Firm frá BBC (1989). Frá árinu 2022 hefur Oldman birst í spennuþáttunum Slow Horses frá Apple TV+ sem nöldursami breski njósnarinn Jackson Lamb og hefur hlotið tilnefningu til Primetime Emmy-verðlauna sem besti leikarinn í dramaþáttum fyrir hlutverkið. Oldman var einnig tilnefndur til Emmy-verðlauna fyrir gestahlutverk sitt sem drykkfelldur leikari í gamanþáttunum Vinir á NBC árið 2001. Þá hefur Oldman leikið í tónlistarmyndböndum fyrir David Bowie, Guns N' Roses og Annie Lennox. Karl 3. Bretakonungur sæmdi Oldman riddaranafnbót árið 2025.
Kvikmyndaskrá
[breyta | breyta frumkóða]| Ár | Titill | Hlutverk | Athugasemdir | Heimildir |
|---|---|---|---|---|
| 1982 | Remembrance | Daniel | ||
| 1983 | Meantime | Coxy | ||
| 1986 | Sid og Nancy (Sid and Nancy) | Sid Vicious | ||
| 1987 | Prick Up Your Ears | Joe Orton | ||
| 1988 | Track 29 | Martin | ||
| Refsiréttur (Criminal Law) | Ben Chase | |||
| We Think the World of You | Johnny | |||
| 1989 | Geðspítalinn (Chattahoochee) | Emmett Foley | ||
| 1990 | Fallinn Rósinkrans og Gullinstjarna (Rosencrantz & Guildenstern Are Dead) | Rósinkrans | ||
| Í ljótum leik (State of Grace) | Jackie Flannery | |||
| Henry & June | Pop | Kallaður „Maurice Escargot“ á kreditlista | ||
| 1991 | JFK | Lee Harvey Oswald | ||
| 1992 | Drakúla (Bram Stoker's Dracula) | Drakúla greifi | ||
| 1993 | Sönn ást (True Romance) | Drexl Spivey | ||
| Rómeó í sárum (Romeo is Bleeding) | Jack Grimaldi | |||
| 1994 | Léon | Norman Stansfield | ||
| Ódauðleg ást (Immortal Beloved) | Ludwig van Beethoven | |||
| 1995 | Að yfirlögðu ráði (Murder in the First) | Milton Glenn | ||
| Fordæmd (The Scarlet Letter) | Séra Arthur Dimmesdale | |||
| 1996 | Basquiat | Albert Milo | ||
| 1997 | Fimmta frumefnið (The Fifth Element) | Jean-Baptiste Emanuel Zorg | ||
| Forsetavélin (Air Force One) | Egor Korshunov | |||
| Á köldum klaka (Nil by Mouth) | — | Aðeins leikstjóri, handritshöfundur og framleiðandi | ||
| 1998 | Týnd í geimnum (Lost in Space) | Dr. Zachary Smith | ||
| Töfrasverðið (Quest for Camelot) | Rúber | Talsetning | ||
| 1999 | Plunkett & Macleane | — | Aðeins aðalframleiðandi | |
| 2000 | Frambjóðandinn (The Candidate) | Sheldon Runyon fulltrúadeildarþingmaður | Einnig aðalframleiðandi | |
| 2001 | Nobody's Baby | Buford Hill | Einnig framleiðandi | |
| Hannibal | Mason Verger | Ekki á kreditlsita | ||
| 2002 | Þjóðvegur 60 (Interstate 60) | O.W. Grant | ||
| The Hire: Beat the Devil | Djöfullinn | Stuttmynd | ||
| Tiptoes | Rolfe Bedalia | |||
| 2003 | Sin | Charlie Kraken / Charlie Strom | ||
| 2004 | Harry Potter og fanginn frá Azkaban (Harry Potter and the Prisoner of Azkaban) | Sirius Black | ||
| 2005 | Batman Begins | James Gordon | ||
| Harry Potter og eldbikarinn (Harry Potter and the Goblet of Fire) | Sirius Black | Smáhlutverk | ||
| 2006 | The Backwoods | Paul | ||
| 2007 | Harry Potter og Fönixreglan (Harry Potter and the Order of the Phoenix) | Sirius Black | ||
| 2008 | Skotmarkið (Dead Fish) | Lynch | ||
| Rökkurriddarinn (The Dark Knight) | James Gordon | |||
| 2009 | Hin ófæddu (The Unborn) | Joseph Sendak rabbíni | ||
| Rain Fall | William Holtzer | |||
| Jóladraumur (A Christmas Carol) | Tiny Tim / Bob Cratchit / Jacob Marley | Hreyfimyndataka | ||
| Pláneta 51 (Planet 51) | Grawl hershöfðingi | Talsetning | ||
| 2010 | The Book of Eli | Bill Carnegie | ||
| Countdown to Zero | Sögumaður | Heimildarmynd | ||
| One Night in Turin | ||||
| 2011 | Rauðhetta (Red Riding Hood) | Faðir Solomon | ||
| Kung Fu Panda 2 | Shen lávarður | Talsetning | ||
| Harry Potter og dauðadjásnin - 2. hluti (Harry Potter and the Deathly Hallows – Part 2) | Sirius Black | Smáhlutverk | [3] | |
| Tinker Tailor Soldier Spy | George Smiley | |||
| Guns, Girls and Gambling | Elvis Elvis | |||
| 2012 | Rökkurriddarinn rís (The Dark Knight Rises) | James Gordon | ||
| Lawless | Floyd Banner | |||
| 2013 | Paranoia | Nicolas Wyatt | ||
| 2014 | RoboCop | Dr. Dennett Norton | ||
| Dögun Apaplánetunnar (Dawn of the Planet of the Apes) | Dreyfus | |||
| 2015 | Barn 44 (Child 44) | Timur Nestorov hershöfðingi | ||
| 2016 | Man Down | Peyton kapteinn | ||
| Criminal | Quaker Wells | |||
| 2017 | The Space Between Us | Nathaniel Shepherd | ||
| The Hitman's Bodyguard | Vladislav Dukhovich | |||
| Ögurstund (Darkest Hour) | Winston Churchill | |||
| 2018 | Tau | Tau | Talsetning | |
| Hunter Killer | Charles Donnegan flotaforingi | |||
| 2019 | Killers Anonymous | Maðurinn | ||
| Mary | David | |||
| The Laundromat | Jürgen Mossack | |||
| The Courier | Ezekiel Mannings | |||
| 2020 | Mank | Herman J. Mankiewicz | ||
| 2021 | Crisis | Dr. Tyrone Brower | ||
| The Woman in the Window | Alistair Russell | |||
| 2023 | Oppenheimer | Harry S. Truman | Smáhlutverk | |
| 2024 | Parthenope | John Cheever | ||
Tilvísanir
[breyta | breyta frumkóða]- ↑ „The 30 Highest-Grossing Actors of All Time, Ranked“. Collider. 3 júlí 2019. Sótt 2 nóvember 2020.
- ↑ Kistler, Alan (2013). Doctor Who: A History. Lyons Press. bls. 198. ISBN 9781493000166. Sótt 20 nóvember 2021.
- ↑ Ditzian, Eric (16 júlí 2009). „'Harry Potter' Director, Daniel Radcliffe Reveal 'Deathly Hallows' Secrets — Movie News Story | MTV Movie News“. MTV. Afrit af upprunalegu geymt þann 16 júlí 2009. Sótt 11 janúar 2010.
Þessi kvikmyndagrein sem tengist æviágripi er stubbur. Þú getur hjálpað til með því að bæta við greinina.