Hliðrænt sjónvarp
Hliðrænt sjónvarp (eða flaumrænt sjónvarp) er sjónvarp sem sent er út með hliðrænu merki. Það getur verið sent með mastri, gervihnetti eða kapli. Í mörgum löndum er búið að leggja hliðrænar sjónvarpsútsendingar af en stafrænar útsendingar hafa verið teknar upp í staðinn. Í sumum löndum, eins og á Íslandi, er stafrænt sjónvarp á Íslandi að skipta yfir í stafrænar útsendingar, en í öðrum löndum eru eingöngu hliðrænt sjónvarp sent út.
Til eru nokkrir staðlar fyrir kóðun hliðrænna útsendinga:
- PAL (Phase Alternating Line)
- NTSC (National Television Standards Committee)
- SECAM (Séquentiel Couleur avec Mémoire)
Hliðrænt sjónvarp er sent út á annaðhvort VHF-tíðnabili eða UHF-tíðnabili. Innan þessar tíðnabila eru ákveðnar sjónvarpsrásir sem eru mismunandi eftir löndum. Sjónvarps rás stendur saman af tveimur merkjum: upplýsingar um myndina eru sendar með sveifluvíddarmótun, en upplýsingar um hljóðið eru sendar með tíðnimótun á tíðni sem er ekki eins og myndartíðnin. Þegar UHF eða VHF tíðnibilum er úthlutað þarf að velja milli fjölda sjónvarpsrása og gæða þeirra, því það er takmarkað pláss á tíðnibilunum.
