Evrópumeistaramót Íslands í mýrarbolta

Frá Mýrarboltamótinu 2015.

Evrópumeistaramót Íslands í mýrarbolta, einnig kallað Mýrarboltinn á Ísafirði, var árleg keppni í mýrarbolta sem haldin var á norðanverðum Vestfjörðum, oftast á Verslunarmannahelginni, á árunum 2004 til 2019. Svíþjóð heldur einnig evrópumeistaramót í mýrarbolta. Fyrsta óformlega mótið var haldið á Ísafirði haustið 2004 eftir að stofnendur þess höfðu tekið þátt í móti í Finnlandi. Eftir það var mótið haldið árlega á Ísafirði, á sérbúnum völlum í Tungudal, þangað til það fluttist til Bolungarvíkur árið 2016. Árið 2011 var í fyrsta sinn veittur sérhannaður 170 cm hár farandbikar til þess liðs er náði bestum árangri í keppninni.

Árið 2020 féll mótið niður vegna kórónuveirufaraldsins sem geisaði á Íslandi. Engin mót voru haldin næstu tvö ár á eftir og í júlí 2023 gáfu forsvarsmenn mótsins það út að ekki stæði til að endurvekja mótið aftur á þeirra vegum.

Myndir

• 
• 
• 
• 
•