Klóelfting

Klóelfting
	; Nærmynd af klóelftingu
Vísindaleg flokkun
Ríki:	Jurtaríki (Plantae);
Fylking:	Byrkningar (Pteridophyta);
Flokkur:	Elftingar (Equisetopsida);
Ættbálkur:	Elftingarbálkur (Equisetales);
Ætt:	Elftingarætt (Equisetaceae);
Ættkvísl:	Elftingar (Equisetum);
Undirættkvísl:	Equisetum subg. Equisetum;
Tegund:	Klóelfting;
Tvínefni
	Equisetum arvense; Linnaeus, 1753

Klóelfting (fræðiheiti: Equisetum arvense) er planta af ættkvísl elftinga af elftingarætt.

Útlit

Hún hefur gárótta, sívala og liðskipta stöngla sem hafa liðskiptar, kransstæðar greinar. Hún þekkist á því að neðsti liður hverrar greinar er mun lengri en stöngulslíðrið, þetta á þó ekki við um greinarnar á neðstu stöngulliðunum.

Gróöxin, sem kallast skollafætur, skollafingur eða góubeitlar vaxa snemma á vorin löngu áður en elftingin sjálf sést. Þau eru blaðgrænulaus, ljósmóleit með svörtum slíðrum og falla eftir gróþroskun.

Klóelftingin nær 20 til 40 sentímetra hæð og vex gjarnan á röskuðum svæðum, í görðum, vegköntum, mólendi og skógarbotnum.

Annað

Klóelfting hefur 216 litninga (108 pör) sem er fimm sinnum meira en maðurinn sem hefur 46 litninga.

Tilvísanir