Einar Vilberg Hjartarson

Einar Vilberg
Einar Vilberg söngvari og lagasmiður
Upplýsingar
Fæddur	Einar Vilberg Hjartarson 1950
Störf	Söngvari og lagasmiður
Hljóðfæri	Gítar

Jónas og Einar - Gypsy Queen 1972

Auglýsing fyrstu íslensku snældunar

Japanska platan 1972

Starlight 1976

Plötudómur um Starlight í Tímanum 1976

Noise 1981

Einar Vilberg (f. 26. apríl 1950) er íslenskur söngvari og lagasmiður.

Ferill

Einar Vilberg fæddist í Reykjavík og ólst upp í Þingholtunum. Fjórtán ára byrjaði hann að semja eigin lög. Fyrsta alvöru hljómsveitin sem Einar var í hét Beatnicks, en hún lék mest þekkt og vinsæl erlend lög á skólaböllum. Einar hélt svo til London með Pétri Kristjánssyni söngvara og Gunnari Jökli trommuleikara árið 1969 á vegum Laufútgáfunar. Þeir bókuðu tíma í Regent Studio og tóku upp fjögur lög eftir Einar á átta tímum. Tvö laganna komu út á plötu árið eftir; Vitskert veröld og Blómið sem dó sem Pétur söng en hin tvö biðu þess að koma út löngu seinna á safndiski Péturs.

Gypsy Queen

Á þessum tíma samdi Einar einnig lög fyrir aðra listamenn svo sem Janis Carol og Jónas R. Jónsson. Samvinnan við Jónas varð að samstarfi og árið 1972 gáfu þeir út LP plötuna Gypsy Queen sem var tekin upp í stúdíói Pétrurs Steingrímssonar að undanteknum tveimur lögum sem voru tekin upp í Svíþjóð. Platan vakti mikla athygli og þótti framsækin, umslagið var tvöfalt sem var nýlunda á þeim tíma. Platan var líka gefin út á kassettu og mun hún vera fyrsta íslenska hljómplatan sem kemur út á snældu. Í kjölfar Gypsy Queen var þeim félögum boðið að taka þátt í Yamaha Song Festival tónlistarhátíðinni í Tokyo í Japan og gáfu út tveggja laga plötu þar í landi.

Starlight

Næsta stóra skref var gerð plötunnar Starlight sem kom út árið 1976. Platan var hljóðrituð í nýju átta rása stúdíói, Hljóðrita í Hafnarfirði. Upptökumaður var Jónas R. Jónsson en honum til aðstoðar var Baldur Már Arngrímsson. Einari til fulltingis við gerð plötunnar voru helstu popptónlistarmenn þess tíma eins og Pálmi Gunnarsson, Lárus Grímsson, Þórður Árnason, Ásgeir Óskarsson og fleiri. Platan fékk góða dóma.

Gunnar Salvarsson skrifaði plötudóm í Tímann 4. Apríl 1976. bls,3.

	Samanborið við plötuna Jónas og Einar, en á þeirri plötu voru öll lögin eftir Einar, hefur honum vaxið mjög fiskur um hrygg sem tónlistarmanni — og nýja platan sýnir Einar Vilberg sem þroskaðan og heilsteyptan tónlistarmann.
	— Gunnar Salvarsson

	Starlight er einhver jafnbezta plata, sem ég hef heyrt, og þær íslenzku plötur, sem eiga eftir að koma út á árinu, mega vera mjög góðar, ef Starlight Einars Vilbergs á ekki að verða meðal þeirra beztu.
	— Gunnar Salvarsson

Noise

Í kjölfar útkomu Starlight flutti Einar sig um set og settist að í Kaupmannahöfn þar sem hann vann að sólóferli. Árið 1981 kom svo LP platan Noise út. Noise var tekin upp í Stúdíó Hlust við Rauðalæk og sá Rafn Sigurbjörnsson um upptökur. Útgáfufyrirtækið Toni Permo ýtti plötunni úr vör en Tóní þessi Permo mun vera samnefnari fyrir ákveðna tegund söngvara.

Útgefnar plötur og lög

Fálkinn

LP

• MOAK 26 - Jónas og Einar - Gypsy Queen - 1972

Kassetta

• MOAK 26 - Snælda (Fyrsta íslenska hljóðsnældan) – 1972

Canyon (japönsk útgáfa)

45 snúninga

• Y 51 - When I Look At All Those Things // Song Of Love - 1972

Amerísk útgáfa

CD

• ? - Peace Works // Dark Shadows

Steinar - Spor

LP

• Steinar 004 - Einar Vilberg - Starlight - 1976

elly jay RECORDS

LP

• EJSP 9642 - Einar Vilberg - Noise – 1981

SATT

LP og Kasetta (Safnplata)

• SATT 002 - That´s All – Einar Vilberg - 1984

Einar Vilberg Sr.

• Einar Vilberg Sr. - Þú gengur með mér daginn

• Lagahöfundur: Einar Vilberg Hjartarson
• Textahöfundur: Jenný Anna Baldursdóttir

• Aðalsöngvari, kassagítar, rafmagnsgítar: Einar Vilberg Sr.
• Trommur, rafmagnsgítar, bakraddarsöngur: Einar Vilberg Einarsson
• Bassi: Jón Ólafsson (Kletturinn)
• Píanó, hammond organ: Jón Ólafsson (Ný Dönsk)

• Hljóðblöndun: Einar Vilberg Einarsson hjá Hljóðverk, Reykjavík, Íslandi
• Útgáfuár : 2020

• Einar Vilberg Sr. - Living On Borrowed Time
• Tónlistar og textahöfundur: Einar Vilberg Sr.
• Söngur / gítarar: Einar Vilberg Sr.
• Bassi: Pálmi Gunnarsson
• Hammond / Grand Piano: Pétur Hjaltested
• Trommur: Einar Vilberg Einarsson

• Hljóðblöndun: Einar Vilberg Einarsson hjá Hljóðverk.
• Útgáfuár: 2021

• Einar Vilberg Senior. - Dark Shadows
• Tónlistar og textahöfundur: Einar Vilberg Hjartarson
• Söngur / gítarar: Einar Vilberg Hjartarson
• Bassi / Trommur: Einar Vilberg Einarsson
• Hammond Organ: Pétur Hjaltested
• Útgáfa: 2021

• Hljóðblöndun: Einar Vilberg Einarsson at HLJODVERK Studios, Reykjavik, Iceland.

Lög eftir Einar Vilberg í flutningi annara listamanna

Laufútgáfan

45 snúninga

• PK 200 - Pétur Kristjánsson - Blómið sem dó // Vitskert Veröld - 1970

Hljómskífugerðin Sarah

45 snúninga

• SL 002 - Janis Carol - Draumurinn // Íhugun - 1970

Tónaútgáfan

45 snúninga

• T 115 - Jónas R. Jónsson - Bón um frið // Sólskin - 1972

Sena /Íslenskir tónar

CD

• IT 337 - Pétur W. Kristjánsson - Bardagi um sál // Wonderland of Eden – 2008 (Algjör Sjúkheit - Safnplata)

Tenglar

• Ev=:R
• YouTube - Dark Shadows
• YouTube - Þú gengur með mér daginn
• YouTube - Living on borrowed time
• Einar Vilberg Sr. - Þú gengur með mér daginn spotify:album:1B7QJY3uMGoXjFsRuBTLtn