Verslunin Edinborg

Verslunin Edinborg í Hafnarstræti, skreytt vegna konungskomunnar 1907. Þetta hús brann 1915

Verslunin Edinborg var ein af stærri kaupmannsverslununum í Reykjavík á fyrri hluta 20. aldarinnar en þaðan var einnig gert út. Á seinni hluta 20. aldarinnar voru þar fyrst og fremst seldar vefnaðarvörur og leikföng. Verslunin var stofnuð af Ásgeiri Sigurðssyni sem var jafnframt konsúll eða sendiherra Breta. Verslunin var með útibú á Eskifirði og á Ísafirði þar sem verslunin stóð fyrir byggingu hafskipsbryggju sem varð tilefni deilna í bæjarstjórn.

Fljótlega eftir stofnun, eða uppúr aldamótunum 1900, var hægt að fá vínber og epli í janúar í versluninni. Fyrsta árið eftir stofnun RÚV árið 1930 leigði það aðstöðu hjá Edinborgarverslun við Hafnarstræti en fluttist svo um set í Landssímahúsið við Austurvöll.

Tenglar

• Verzlunin Edinborg, grein í Frjálsri verslun frá árinu 1941
• Verzlunin Edinborg Fimmtug, grein í Fálkanum 1945
• Völundur, Kveldúlfur, Edinborg, Lárus Lúðvíks og Silli og Valdi, grein eftir Jón G. Hauksson í DV 4. maí 1988
• Saga hússins Geymt 4 júní 2018 í Wayback Machine