Dofri Hermannsson

Dofri Hermannsson (f. 25. september 1969) er íslenskur leikari, hagfræðingur og náttúruverndarsinni. Hann sat í stjórn Náttúruverndarsamtaka Íslands á árunum 2001-2005, var varaborgarfulltrúi Samfylkingarinnar 2006-2010 en hætti þá afskiptum af stjórnmálum. Hann er með meistapróf í hagnýtri hagfræði við Háskólann á Bifröst með áherslu á umhverfishagfræði, nýsköpun og svæðahagfræði. Hann stýrði stefnumótun Samfylkingarinnar í umhverfismálum, nýsköpunarmálum og byggðamálum fyrir alþingiskosningar 2007 og 2009, var fyrsti starfsmaður Hátækni- og sprotavettvangs (samstarfsverkefni stjórnarráðsins og Samtaka Iðnaðarins) sem kom mikilvægum stuðningasaðgerðum fyrir nýsköpunarfyrirtæki í framkvæmd.

Dofri rekur ferðaþjónustufyrirtækið Reykjavik erupts sem sérhæfir sig í ferðum sem tengjast jarðfræði og eldgosum.

Ferill í kvikmyndum og sjónvarpsþáttum

Ár	Kvikmynd/Þáttur	Hlutverk	Athugasemdir og verðlaun
1987	Áramótaskaupið 1987
1998	Sporlaust	Beggi	Kvikmynd eftir Hilmar Oddsson
	Dansinn	Haraldur	Tilnefndur til Eddunar sem leikari ársins.
1999	Dagurinn í gær	Dagfinnur	Sjónvarpsþáttaröð á Rúv
2016	Réttur 3 (TV)	Benedetto	Sjónvarpsþáttaröðin fékk fjölda viðurkenninga um allan heim
2016	Grimmd

Tenglar

• Blogg Dofra
• Dofri Hermannsson á Internet Movie Database
• Reykjavik erupts

  Þetta æviágrip sem tengist leikurum og Íslandi er stubbur. Þú getur hjálpað til með því að bæta við greinina.