Corpus Codicum Norvegicorum Medii Aevi

Úr Wikipediu, frjálsa alfræðiritinu
Jump to navigation Jump to search

Corpus Codicum Norvegicorum Medii Aevi (latína: Úrval norskra skinnbóka frá miðöldum) er ritröð sem gefin er út af Selskapet til utgivelse av gamle norske håndskrifter í Osló. Útgáfan hófst árið 1950 og er enn í gangi. Didrik Arup Seip var upphafsmaður útgáfunnar og ritstjóri á meðan hans naut við. Formálarnir eru yfirleitt á norsku, með ágripi á ensku.

Í ritröðinni eru birt norsk handrit, og athygli þar beint að hlut Norðmanna í hinum fornu norsk-íslensku bókmenntum. Vel er til útgáfunnar vandað og bækurnar handhægar.

Þess má geta um 7. bindið í seinni röðinni, lögbókina Codex Hardenbergensis, að Stefán Karlsson handritafræðingur hefur sýnt fram á að hún er rituð af Íslendingi, þó að um norska lögbók sé að ræða. Hún er með fallegustu handritum sinnar tíðar.

Listi yfir ritin[breyta | breyta frumkóða]

Folio series
  1. Oslo bylov : etter middelalderlige håndskrifter AM 309 fol. hånd. h, AM 305 fol. hånd. c, Sth. kgl. bibl. 11 fol. hånd e. — Didrik Arup Seip gaf út, 1950.
  2. Norske diplomer til og med år 1300. — Finn Hødnebø gaf út, 1960.
Quarto series
  1. Gammelnorsk Homiliebok : etter AM 619 qv. — Trygve Knudsen gaf út, 1952.
  2. Legendariske Olavssaga : etter Uppsala Universitetsbiblioteks DelaGardieska samlingen nr. 8 II. — Anne Holtsmark gaf út, 1956.
  3. Gammalnorske membranfragment i Riksarkivet, Band I, Lovtekster. — Thorsten Eken gaf út, Oslo 1963. Brot úr 12 lögbókarhandritum.
  4. Elis saga, Strengleikar, and other texts : Uppsala University Library Delagardieska samlingen nos. 4-7 folio and AM 666 b quarto. — Mattias Tveitane gaf út, 1972.
  5. Olav Tryggvasons saga : etter AM 310 qv. — Anne Holtsmark gaf út, 1974.
  6. Barlaams ok Josaphats saga : manuscript no. 6 fol. in the Royal library, Stockholm and the Norwegian fragments. — Magnus Rindal gaf út, 1980.
  7. King Magnus Håkonsson’s laws of Norway and other legal texts : Gl. kgl. saml. 1154 fol. in the Royal Library, Copenhagen. — Magnus Rindal og Knut Berg gáfu út, 1983. Ljósprentað í lit.
  8. Bergens kalvskinn AM 329 fol. i Norsk Riksarkiv. — Finn Hødnebø gaf út, 1989.
  9. Den eldre Gulatingsloven : E donatione variorum 137 4to (Codex Rantzovianus) i Det kongelige Bibliotek, København, og AM 309 fol. (93R-100V), AM 315 E fol., AM 315 F fol., AM 468 C 12mo (bindet), NRA 1B. — Finn Hødnebø og Magnus Rindal gáfu út, 1995.
  10. Norske diplom 1301–1310. — Erik Simensen gaf út, Oslo 2002.

Norsk handrit utan ritraðar[breyta | breyta frumkóða]

  1. Konungs skuggsjá / Speculum Regale. De norske håndskrifter i faksimile. Festgave fra Universitetet i Oslo til H. M. Kong Haakon VII på hans 75-årsdag, 3. august 1947. Oslo 1947. — Didrik Arup Seip og Ludvig Holm-Olsen rituðu formála. Aðalhandritið, og brot úr fjórum öðrum handritum. Ljósprentað í lit, í 1+250 eintökum.

Tengt efni[breyta | breyta frumkóða]

Heimildir[breyta | breyta frumkóða]

  • Stefán Karlsson: Lovskriver i to lande, Codex Hardenbergensis og Codex Belgsdalensis. Festskrift til Alfred Jakobsen, Trondheim 1987:166–184.
  • Skrár Landsbókasafns.