Kytrusveppir

Kytrusveppir
Kytrusveppasýking á kartöflum.
Vísindaleg flokkun
Ríki: Svepparíki (Fungi) Fylking: Kytrusveppir (Chytridiomycota)
Flokkar og ættbálkar
Chytridiomycetes Chytridiales Cladochytriales Rhizophydiales Polychytriales Spizellomycetales Rhizophlyctidales Lobulomycetales Synchytriales Polyphagales Mesochytriomycetes Gromochytriales Mesochytriales Monoblepharidomycetes Monoblepharidales Harpochytriales Hyaloraphidiomycetes Hyaloraphidiales Sanchytriomycetes Sanchytriales

Kytrusveppir (latína: Chytridiomycota) eru skipting sveppa. Latneska heitið er dregið af gríska χυτρίδιον khytridion, sem þýðir "lítill pottur" og á við um lögun gróhirslunnar sem geymir bifgróin.

Kytrusveppir eru talsvert ólíkir öðrum sveppum að mörgu leyti en þeir eiga þó sameiginleg einkenni með öðrum sveppum, til dæmis að mynda frumuvegg úr kítíni, þeir hafa baklæga svipu sem þeir nota til að synda, þeir soga upp næringuna sína, nota glýkógen sem forðanæringu og geta myndað lýsín með sérstöku nýsmíðunarferli (AAA-ferli).

Kytrusveppir eru rotverur. Þeir geta brotið niður tormeltanleg efni eins og kítín, sem finnst í frumuveggjum sveppa og í skeljum liðdýra, og keratín sem finnst í hári, hornum, nöglum og húð ýmissa hryggdýra, og geta því stundum verið sníklar. Rannsóknir á kytrusveppum stórjukust eftir að upp komst að kytrusveppurinn Batrachochytrium dendrobatidis orsakaði hrun í stofnum fjölda froskdýra og olli jafnvel útdauða sumra.

Tilvísanir

  Þessi líffræðigrein er stubbur. Þú getur hjálpað til með því að bæta við greinina.