Gróhirsla
Gróhirsla (latína sporangium) er líffæri á sveppum eða jurtum sem framleiðir og geymir gró.[1] Gróhirslan getur verið ein fruma, eða fjölfruma líffæri. Gróhirslur finnast hjá dulfrævingum, berfrævingum, burknum, mosa, þörungum og sveppum. Gróhirslur geta framleitt gró með frumuskiptingu, en hjá landplöntum og flestum sveppum framleiða gróhirslur erfðafræðilega ólík einlitna gró með rýriskiptingu.
Miðsúla (columella) er ófrjó súla sem liggur inn í og heldur gróhirslunni uppi hjá sumum tegundum. Hjá sveppum getur miðsúlan verið greinótt og komið frá sveppnum sjálfum eða hýsli.
Tilvísanir
[breyta | breyta frumkóða]- ↑ Rost, Thomas L.; og fleiri (2006). Plant Biology (2nd. útgáfa). Thompson Brooks/Cole. ISBN 9780495013938.
