Bustarfell

Bustarfell
Land	Ísland
Hnit	65°37′01″N 15°09′17″V
breyta upplýsingum

Bustarfell er friðlýstur torfbær í Hofsárdal, Vopnafirði og hýsir minjasafn. Hann er fornt höfuðból og ein stærsta jörð í Vopnafirði. Sama ættin hefur búið á jörð­inni í tæplega 500 ár, eða frá 1532. Torfbærinn sem nú stendur er að stofni til mjög gamall, hlutar hans standa enn frá því bærinn var endurbyggður eftir mikinn bruna 1770, en framhlið bæjarins með burstunum var byggður um miðja 19. öld. Burstabærinn hefur verið í vörslu Þjóðminjasafns Íslands frá 1943 og var gerður að minjasafn 1982.

Í Burstarfelli var hjáleigan Brunahvammur sem var lengst af í eigu Bustarfellsbænda. Brunahvammur er heiðarbýli og í 340 metra hæð yfir sjávarmáli. Jörðin þótti góð til búskapar að fornu lagi en nokkuð mannfrek til heyskapar og fjárgæslu. Þá þótti torfrista léleg og mór var enginn. Erla skáldkona bjó á Brunahvammi og sonur hennar Þorsteinn Valdimarsson sem einnig var skáld, fæddist þar 1918. Brunahvammur lagðist í eyði 1945.

Tenglar

• bustarfell.is Geymt 5 nóvember 2011 í Wayback Machine

  Þessi Íslandsgrein er stubbur. Þú getur hjálpað til með því að bæta við greinina.