Brautryðjendaæska Kína
„Brautryðjendaæska Kína“ (kínverska: 中国少年先锋队; rómönskun: Zhōngguó shàonián xiānfēngduì) eru pólitísk samtök barna á aldrinum sex til fjórtán ára í Alþýðulýðveldinu Kína. Samtökin eru rekin af Æskulýðsfylkingu Kínverska Kommúnistaflokksins. Fjöldi ungra brautryðjenda er í dag um 130 milljónir barna.[2]
Saga
[breyta | breyta frumkóða]Rætur samtakanna liggja aftur til ársins 1924. Fram að stofnun Alþýðulýðveldisins árið 1949 ráku kommúnistar ýmis ungliðafélög á þeim landssvæðum sem þeir réðu. Fyrirmyndin var fengin frá félagsskap „ungra brautryðjenda“ í Sovétríkjunum.[3] Samtökin voru formlega stofnuð af Kommúnistaflokki Kína 13. október 1949. Þau tóku núverandi nafn árið 1953.
Brautryðjendaæska Kína var lögð niður tímabundið í menningarbyltingunni (1966–1978). Í stað hennar komu samtökin „Litlu rauðu varðliðarnir“ sem voru yngri útgáfan af hinu róttæku „Rauðu varðliðum“ menningarbyltingarinnar. Brautryðjendaæskan hóf aftur starfssemi í október 1978.
Samtökunum svipar til brautryðjendahreyfinga barna sem eru til eða voru, í ríkjum kommúnista víða um heim.
Hugmyndafræði
[breyta | breyta frumkóða]Samkvæmt stefnuskrá samtakanna byggir hugmyndafræðin „á fræðilegu kerfi sósíalismans með kínverskum einkennum“.[4] Mottóið er: „Til baráttu fyrir málstað kommúnismans, vertu viðbúinn!“. Háttsemi ungra brautryðjenda á að byggja á „heiðarleika, hugrekki, lífskrafti, og einingu“. [5] [6]
Loforð og skuldbinding ungra brautryðjenda (og þar með flestra kínverskra gunnskólanema) við aðildina er:
„Ég er meðlimur í Brautryðjendaæsku Kína. Undir fána ungra brautryðjenda sver ég Kommúnistaflokki Kína ást mína, móðurlandinu og fólkinu. Ég mun leggja hart að mér í námi, efla og undirbúa, svo styrkur minn verði til málstaðs kommúnismans.“
Ungum brautryðjendum er ætlað samkvæmt Xi Jinping, forseta Kína „...að elska landið, fólkið og flokkinn og byggja upp göfuga hugsjónir, hlúa að góðu siðferði, læra og byggja upp sterkan líkama.“[7]
Aðild
[breyta | breyta frumkóða]Flestir grunnskólarnir Kína krefjast þess að nemendur, að þeim yngstu undanskildum, gangi til liðs við „Brautryðjendaæsku Kína“, pólitísk samtök barna á aldrinum sex til fjórtán ára.
Rauður hálsklútur ungra brautryðjenda er einkennisklæðnaður félagsmanna. Við vígsluathöfn binda núverandi meðlimir klútana á nýliðana.[8] Börn klædd rauðum hálsklútum eru algeng sjón í Kína.
Við lok grunnskólans eru flestir nemendur orðnir félagar í Brautryðjendaæskunni. Við fjórtán ára aldur hætta þeir sjálfkrafa aðild að samtökunum og geta þá gengið í Æskulýðsfylkingu Kínverska Kommúnistaflokksins (CCP). Í dag eru um 130 milljónir barna í Brautryðjendaæsku Kína.[2]
Tengt efni
[breyta | breyta frumkóða]- Vefur Brautryðjendaæska Kína (á kínversku).
- Menntakerfi Kína
Heimildir
[breyta | breyta frumkóða]- Fyrirmynd greinarinnar var „Young Pioneers of China“ á ensku útgáfu Wikipedia. Sótt 1. september 2022.
Tilvísanir
[breyta | breyta frumkóða]- ↑ „红小兵“, 维基百科，自由的百科全书 (kínverska), 24. mars 2019, sótt 2. september 2022
- ↑ 2,0 2,1 蒋成龙. „Chinese Young Pioneers lauded on anniversary“. www.chinadaily.com.cn. Sótt 2. september 2022.
- ↑ „团史展览馆-中国共青团网“. www.gqt.org.cn. Afrit af upprunalegu geymt þann 3. október 2021. Sótt 2. september 2022.
- ↑ „队章 -中国少年先锋队“. zgsxd.k618.cn. Sótt 2. september 2022.
- ↑ „Young Pioneers of China“, Wikipedia (enska), 25. mars 2022, sótt 31. ágúst 2022
- ↑ „中国少年先锋队“, 维基百科，自由的百科全书 (kínverska), 25. júní 2022, sótt 31. ágúst 2022
- ↑ 蒋成龙. „Chinese Young Pioneers lauded on anniversary“. www.chinadaily.com.cn. Sótt 2. september 2022.
- ↑ „Young Pioneers don 61st anniversary scarves[1]- Chinadaily.com.cn“. www.chinadaily.com.cn. Sótt 2. september 2022.