Blok P

Suðurhlíð Blok P

Tröppurnar í blokkinni árið 2011

Norðurhlíð blokkarinnar með fána

Svalirnar

Blok P var stærsta íbúðablokkin í Nuuk og sú stærsta á Grænlandi. Í blokkinni voru um 320 íbúðir og talið var að um 1% íbúafjölda alls Grænlands hefði búið í henni. Húsið var rifið þann 19. október 2012.

Saga

Blokkin var byggð á árunum 1956–1966 sem liður í stefnu danskra stjórnvalda frá árinu 1953 um að nútímavæða grænlenska innviði. Markmið uppbyggingarinnar var að hvetja fólk til að flytja úr strandþorpum sem voru talin „óarðbær, óheilbrigð og ónútímaleg“.

Þegar blokkin var byggð var hún stærsta bygging í öllu konungsríkinu Danmörku. Stærð og skipulag íbúðanna hentaði ekki lífstíl Inuíta, en þröngar dyr gerðu það að verkum að þeim reyndist erfitt eða jafnvel ómögulegt að komast inn í og út úr húsinu í þykkum vetrarfatnaði og evrópsku fataskáparnir voru of litlir fyrir geymslu veiðarfæra. Þar af leiðandi voru þau geymd á svölunum þar sem þau lokuðu fyrir neyðarútganga og sköpuðu öryggishættu. Á fyrstu árunum voru mikil vandræði með storknað blóð sem stíflaði frárennsli þar sem fiskimenn gerðu að afla sínum í baðkörum.

Húsið var fimm hæða en var 64 íbúð að lengd, eða um 200 metrar, og klauf það Nuuk í austur-vesturátt. Íbúum Nuuk þótti ekki vænt um blokkina, en hún var sýnd ferðamönnum og lýst sem „svo niðurdrepandi að hún er næstum því sjálf ferðamannastaður“.

Niðurrif

Heimastjórn Grænlands ráðgerði árið 2010, í samvinnu við borgarráð Nuuk, áætlun sína um að rífa húsið. Þáverandi íbúum í húsinu var boðið húsnæði í Qinngorput. Niðurrif hússins hófst 2011 og lauk 2014. Á lóðinni var svo reistur nýr grunnskóli.

Fáninn

Norðurhlið blokkarinnar var skreytt með stærsta grænlenska fána sögunnar. Fáninn var saumaður úr gömlum flíkum af grænlenskum listamanni, með aðstoð skólabarna.

Heimildir

  Þessi grein er stubbur. Þú getur hjálpað til með því að bæta við greinina.