Blaðgræna

Blaðgræna á mismunandi skala

Blaðgræna veldur grænum lit margra plantna og þörunga.

Smásjármynd af plöntufrumum þar sem grænukornin sjást sem grænar kúlur.

Lauf með blaðgrænu gleypir blátt- og rautt ljós en varpar frá sér grænu ljósi.

Nokkrar gerðir blaðgrænu eru til en allar hafa þær eins magnesíumbindiset (til hægri á myndinni).

Blaðgræna er hópur grænna litarefna sem finnast í blágrænum bakteríum og í grænukornum þörunga og plantna. Blaðgræna er nauðsynlegt litarefni við ljóstillífun, ferlið sem gerir plöntum kleift að taka upp orku frá ljósi.

Blaðgræna gleypir best blátt- og rautt ljós. Hún gleypir hins vegar lítið af grænu ljósi og því endurkastast það af blaðgrænunni og veldur því að við sjáum blaðgrænu sem græna á litinn. Tvær megingerðir af blaðgrænu er að finna í ljóskerfum grænna plantna: blaðgrænu a og blaðgrænu b.

Á haustin draga plöntur næringu úr blaðgrænu í rætur og geta lauf misst græna lit sinn.