Björn Auðunarson

Úr Wikipediu, frjálsa alfræðiritinu
Jump to navigation Jump to search

Björn Auðunarson (d. 1364) var ábóti í Viðeyjarklaustri frá 1352 til dauðadags. Um leið og hann tók við var breytt um regluhald í klaustrinu og Ágústínusarregla sett þar að nýju en þá hafði klaustrið tilheyrt Benediktsreglu í átta ár.

Björn var að líkindum sonur Auðunar Krákssonar, prests í Selárdal, og því af ætt Seldæla. Lítið er vitað um ábótatíð Björns en hann gegndi embættinu til dauðadags 1364. Þá tók Jón nokkur við ábótadæminu.

Heimildir[breyta | breyta frumkóða]

  • „Viðeyjarklaustur. Sunnudagsblað Tímans, 23. júlí 1967“.
  • „Um klaustrin á Íslandi. Tímarit hins íslenzka bókmenntafélags, 8. árgangur 1887“.