Beinahóll
Beinahóll er lágvaxinn hraunhóll í Kjalhrauni á Kili þar sem Reynistaðarbræður urðu úti ásamt þremur öðrum haustið 1780. Voru þeir á leiðinni norður í Skagafjörð með fjölda fjár og hesta sem þeir höfðu keypt fyrir sunnan vegna fjárskipta. Hóllinn dregur nafn sitt af miklum fjölda kinda- og hrossabeina sem liggja þar enn en þeim hefur þó fækkað mikið síðustu ár. Þar var reistur minnisvarði árið 1971 og gaf Guðlaugur Guðmundsson út bókina Reynisstaðabræður árið 1968 - fjallar hún í grófum dráttum um ferð félaganna.