Barselóna

Hnit: 41°23′00″N 02°11′00″A / 41.38333°N 2.18333°A / 41.38333; 2.18333
Úr Wikipediu, frjálsa alfræðiritinu
(Endurbeint frá Barcelona)

41°23′00″N 02°11′00″A / 41.38333°N 2.18333°A / 41.38333; 2.18333

Barselóna
Barselóna er staðsett í Spánn
Barselóna

41°23′N 02°11′A / 41.383°N 2.183°A / 41.383; 2.183

Land Spánn
Íbúafjöldi 1.620.343 (1. janúar 2018)
Flatarmál 101.4 km²
Póstnúmer 08001–08042
Vefsíða sveitarfélagsins www.barcelona.cat
Barselona

Barselóna (spænska: Barcelona) er höfuðborg Katalóníu á Spáni og Barselóna-héraðs. Borgin hefur oft verið mikilvæg miðstöð valda og voru konungarnir af Aragón upprunalega greifarnir af Barcelona og stjórnuðu þaðan miklu veldi. Hún er og miðstöð þjóðernisvakningar Katalóníumanna.

Borgin er 101.4 km2 og íbúar hennar árið 2018 voru rúmlega 1,6 milljón en íbúar aðliggjandi byggða tæpar 5 milljónir sem gerir borgarsvæðið þar 5. stærsta í Evrópusambandinu. Borgarstjóri eftir kosningarnar 13. júní 2015 er Ada Colau og fyrsta konan til að gegna því embætti.

Barselóna liggur á mörkum fljótanna Llobregat og Besòs og er takmörkuð af fjallgarðinum Serra de Collserola sem nær 512 metra hæð.

Saga[breyta | breyta frumkóða]

Nafn[breyta | breyta frumkóða]

Kenningar eru um að að karþagóski bærinn Barcino hafi verið stofnaður af Hamilcar Barca (sem var faðir Hannibals). Að borgin heiti eftir Hamilcar Barca er þó fremur álitin ágiskun enda fer engum sögum um að Karþagómenn hafi sest þar að, og fremur er álitið að nafnið komi frá íberíska frumbyggjamálinu sem var talað á Spáni fyrir innrás Rómverja og er merking þess ekki þekkt. Nafnið var Baŕkeno [1] [2][3]

Samgöngur[breyta | breyta frumkóða]

El Prat er alþjóðaflugvöllur borgarinnar. Neðanjarðarlestir eru algengur ferðamáti í borginni og eru 12 aðallínur sem eru með 183 stöðvar og er lengd kerfisins 170 km. Lestir spænska lestarfélagsins RENFE fara einnig um borgina.

Menntun[breyta | breyta frumkóða]

Háskólinn í Barselóna og Pompeu Fabra-háskólinn eru virtustu háskólarnir.

Menning[breyta | breyta frumkóða]

Kirkjan Yfirbótakirkja heilögu fjölskyldunnar (Sagrada Família) hefur orðið alþjóðlegt kennimark borgarinnar. Hönnuð af spænska arkitektinum Antoni Gaudí. Þótt byggingu kirkjunnar sé ekki lokið hefur hún þegar verið sett á heimsminjaskrá UNESCO. Áætlað er að byggingu kirkjunnar verði lokið 2026-2028.

Meðal frægra listamanna Barselóna eru myndlistarmaðurinn Joan Miró (1893 – 1983) og er í borginni safn helgað list hanns, Fundació Joan Miró, Centre d'Estudis d'Art Contemporani (Joan Miró Foundation). Einnig arkitektinn Antoni Gaudí (1852–1926) sem meðal annars hannaði eina frægustu byggingu borgarinnar, Yfirbótakirkju heilögu fjölskyldunnar (Sagrada Família), sem hefur verið í byggingu síðan seinni hluta 19. aldar. Arkítektinn Lluís Domènech i Montaner setti einnig mark sitt á borgina og hannaði m.a. tónlistarhúsið Palau de la Música Catalana.

Í borginni eru göngugötur milli breiðgatna sem setja svip sinn á mannlífið. Þær eru kallaðar ramblas (römblur á íslensku). Stærsta göngugatan er kölluð La Rambla.

Íþróttir[breyta | breyta frumkóða]

Barselóna er þekkt fyrir íþróttir og hélt meðal annars sumarólympíuleikana árið 1992 auk þess að vera heimaborg hins þekkta íþróttafélags FC Barcelona en fótboltalið þess félags hefur notið mikillar velgengni og vinsælda. Minna knattspyrnuliðið er Espanyol sem er í suðvesturhluta borgarinnar.

Barcelona World Race er siglingakeppni sem hefst og endar í borginni.

Svipmyndir[breyta | breyta frumkóða]

  Þessi landafræðigrein er stubbur. Þú getur hjálpað til með því að bæta við greinina.


Heimildir[breyta | breyta frumkóða]

  1. Emerita: Revista de Lingüística y Filología clasica 11 (1943), p.468
  2. Ptolemy, ii. 6. § 8
  3. Gudmund Schütte (1917). Ptolemy's Maps of Northern Europe: A Reconstruction of the Prototypes. H. Hagerup. bls. 45. Sótt 6. nóvember 2015.