Baldvin Þór Magnússon

Úr Wikipediu, frjálsa alfræðiritinu
Jump to navigation Jump to search

Baldvin Þór Magnússon (f. 7. apríl 1999) er íslenskur langhlaupari. Hann tók þátt í Evrópumeistaramóti í 5000 metra hlaupi 23 ára og yngri og vann þar til bronsverðlauna. Mótið var haldið í Tallinn í Eistlandi í júlí 2021. Baldvin hljóp á tímanum 13 mínútur og 45,00 sekúndur, sem er Íslandsmet og þriðji besti árangur á þessu móti. Hann á einnig Íslandsmet í 3000 metra hlaupi.

Baldvin bjó á Íslandi til 5 ára aldurs en flutti þá með foreldrum sínum til Bretlands. Nú stundar hann nám við Eastern Michigan-háskólann í Bandaríkjunum. Hann æfði bæði langhlaup og fótbolta en þótti hlaupin skemmtilegri og hætti þá í fótboltanum og helgaði sig alfarið langhlaupum. Hann hefur tekið mjög örum framförum og stefnir hærra.